28 Tetor 2021

Rekomandimet e Auditimit duhet të jenë bazë për veprim nga ana e Prokurorisë

Prishtinë, 7 shtator - Ministrja e Drejtësisë, Albulena Haxhiu së bashku me zv. Sekretarin e Përgjithshëm të Ministrisë së Drejtësisë, Ardian Bajraktari, takuan Auditoren e Përgjithshme, Vlora Spanca së bashku me Ndihmës Auditorin e Përgjithshëm, Qerkin Morina.

Ministrja Haxhiu, fillimisht e uroi znj. Spanca për detyrën e re, duke shprehur gatishmërinë për bashkëpunim ndërmjet dy institucioneve, me qëllim të adresimit të rekomandimeve të raportit të auditorit.

Më tej Ministrja Haxhiu theksoi se rekomandimet e Zyrës Kombëtare të Auditimit, veçmas aty ku konstatohen shkelje të natyrës materiale dhe ku përsëriten, duhet të jenë bazë e mjaftueshme për prokurorinë e shtetit që ndaj shkeljeve të tilla të mos i mbyllin sytë.

Ministria e Drejtësisë tashmë i ka ndërmarrë të gjitha veprimet me qëllim të adresimit të rekomandimeve të raportit Zyrës Kombëtarë të Auditimit për vitin e kaluar. Një vëmendje e veçantë po i kushtohet adresimit të vonesave në ekzekutimin e pagesave, e gjetur kjo e natyrës procedurale për Ministrinë e Drejtësisë, thekoi ministrja Haxhiu.

Kurse Auditorja e Përgjithshme znj. Spanca, duke e falënderuar ministren Haxhiu për takimin, shprehu gatishmërinë dhe përkushtimin e Zyrës Kombëtare të Auditimit, për bashkëpunim me Ministrinë e Drejtësisë, me qëllimin e përbashkët, ngritjen e përformancës së institucioneve të Republikës së Kosovës për sa i takon shpenzimit të parasë publike.

 

Kalendari

Ngjarjet e datës 28 Tetor 2021

- Fillon administrimi i vaksinës kundër gripit sezonal. (Salla 1 Tetori nga ora 08:00 deri në ora 19:00)

- Kryeministri Albin Kurti, bashkë me Ministrin e Financave, Punës dhe Transfereve, Hekuran Murati, mbajnë konferencë për media, në lidhje me operacionalizimin e masës 2.1-Subvencionimi i Kredive Investive - dhe masës 2.4 - Mbështetje e eksportit- të Pakos së Ringjalljes Ekonomike. (Ndërtesa e Qeverisë (Salla P38), ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Ndërtesa e Kuvendit, salla N302, ora 10:00)

- Kryetari i Bashkësisë Islame të Kosovës, Myftiu Naim Tërnava do ta pres një delegacioni të lartë nga Mbretëria e Arabisë Saudite, i kryesuar nga Shkëlqesia e Tij, Dr. Abdul-Latif bin Abdul-Aziz Al Shejkh, Ministër i Çështjeve Fetare në Mbretërinë e Arabisë Saudite. (Selia e Kryesisë së BIK-ut, ora 10:00)

- Komisioni Qendror i Zgjedhjeve shpall rezultatet përfundimtare të raundit të parë të Zgjedhjeve për Kryetarë të Komunave. (Ndërtesa e KQZ-së, Kati 4, ora 10:00)

- Kolegji AAB organizon mbledhjen Komemorative me rastin e kalimit në amshim të Burbuqe Berisha. (Teatri AAB “Faruk Begolli” në Kolegjin AAB, ora 10:00)

- Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla N10, ora 11:00)

- Komuna e Prishtinës inauguro Qendren e re e të Moshuarve në lagjen Ulpianë. (Rr. Imzot Nikë Prelaj, E30, Ulpianë mbrapa pompës Exfis, ora 11:00)

- Punëtorët e Ferronikelit protestojnë para Qeverisë së Kosovës. (Objekti i Qeverisë, ora 11:30)

- Mbahen homazhet për të ndjerën Burbuqe Berisha. (Përpara Teatrit Kombëtar, ora 12:00)

- Kryeministri Kurti dhe Ministri i Financave, Punës dhe Transfereve Hekuran Murati vizitojnë Administratën Tatimore të Kosovës. (ATK, kati I, ora 13:30)

- Hapet edicioni i 12 i Festivalit të Filmit të Shkurtër "Ballkani Përtej Kufijve. (Kino Armata)

 

- Kryetari i Komunës së Prizrenit, njëherësh kandidat për kryetar të Prizrenit nga Lëvizja Vetëvendosje!, prof. dr. Mytaher Haskuka, do të mbajë konferencë për media. (Zyret e Lëvizjes në Prizren, ora 16:00)