30 Janar 2023

Presidenti Sejdiu takoi anëtarët e Këshillit të Atlantikut Verior

Prishtinë, 21 prill - Presidenti i Republikës së Kosovës, dr. Fatmir Sejdiu, me t’u kthyer nga vizita e suksesshme në Malajzi, ka pasur një takim me anëtarët e Këshillit të Atlantikut Verior, të kryesuar nga Sekretari i Përgjithshëm i NATO-s, Anders Fogh Rasmussen.

Në këtë takim, Presidenti Sejdiu e ka falënderuar Sekretarin e Përgjithshëm të NATO-s, z. Rasmussen, si dhe të gjitha vendet e NATO-s, për ndihmën e madhe që i kanë dhënë dhe po vazhdojnë t’i japin  Kosovës.

Po ashtu, Presidenti Sejdiu i ka njoftuar ata për gjendjen e përgjithshme në Kosovë dhe ka shprehur përkushtimin e institucioneve dhe të qytetarëve të Kosovës për të ndërtuar një shoqëri të lirë dhe demokratike, të përkushtuar që të lëvizë shpejt në rrugën e saj të integrimeve euroatlantike në partneritet të përhershëm me NATO-n. 

Gjithashtu, Presidenti Sejdiu ka folur për procesin e zhvillimit të Forcës së Sigurisë së Kosovës, me ç’rast ka ripërsëritur kërkesën e tij që Forca e Sigurisë së Kosovës të marrë pjesë, qoftë edhe në mënyrë simbolike, në operacionet paqësore të NATO-s.

Presidenti Sejdiu u është përgjigjur edhe interesimeve të veçanta të ambasadorëve të vendeve të Atlantikut të Veriut lidhur me zhvillimet e përgjithshme në vendin tonë.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)