06 Dhjetor 2022

Policia po zhvillon hetime intensive për ngjarjet në Mitrovicë

Prishtinë, 5 korrik - Policia e Republikës së Kosovës menjëherë pas ngjarjëve të fundit në Mitrovicë ka formuar një grup punues i cili po heton rastin. Policia e Kosovës, po zhvillon hetime intensive për ngjarjet e fundit në Mitrovicë.

Zëdhënësi i Policisë Baki Kelani, konfirmon formimin e grupit punues megjithëse thotë se për suspendime të mundshme është ende herët të flitet.

“Meqë çdo gjë është ende në proces të hetimeve për gjithë ato zhvillime që janë bërë në rajonin e Mitrovicës unë nuk mund të kofnirmojë nëse do të ketë ose nuk do të ketë suspendime. Mirëpo këtë e lenë nën proces të zyrtarëve policorë të cilët kanë filluar hetimet. Nuk dua të paragjykoj se çfarë do jenë rezultatet”, tha Kelani.

Ndërkohë shefi i inspektoratit policorë të Kosovës, Enver Rrustemi, është në pritje të rekomandimit të grupit hetues të formuar për ngjarjet në Mitrovicë, për të propozuar eventualisht masat që duhet të ndërmerren ndaj ndonjë eprori të caktuar të policisë.

“Në qoftë se task force rekomandon ndonjë suspendim të mundshëm atëherë inspektorati policorë do t’i analizojë dhe rekomandojë vazhdimin ose ndërprerjen e punës së zyrtarëve policorë”. tha Rrustemi.

Derisa policia po i vazhdon hetimet burime tona bëjnë të ditur se gjatë kësaj jave mund të ndodhë suspendimi i Komandantit të stacionit policor të veriut Milia Millosheviq dhe shefit të portës kufitare numër 1. 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)