07 Tetor 2022

Përkujtohet demonstrata e 10 shkurtit 2007

Prishtinë, 10 shkurt - Lëvizja "Vetëvendosje" përkujton sot katërvjetorin e demonstratës së 10 shkurtit 2007, demonstratë kjo e organizuar kundër negociatave me Serbinë dhe planit të Ahtisaarit.

Në demonstratën e 10 shkurtit 2007, kjo lëvizje kërkonte vetëvendosje për popullin e Kosovës dhe e kundërshtonte Planin e Ahtisaarit, pasi sipas tyre e ndan Kosovën në vija etnike dhe religjioze.

Gjatë demonstratës së 10 shkurtit 2007 janë vrarë nga forcat policore të UNMIK-ut, Mon Balaj dhe Arben Xheladini dhe u plagosën 80 demonstrues.

Në njoftimin e lëvizjes Vetëvendosje pohohet se Plani i Ahtisaarit është aktual ende. Po ashtu dhe negociatat me Serbinë e koncesionet ndaj saj, të cilat nuk i ndali shpallja e pavarësisë.

“Katër vjet më parë sfida ndaj regjimit e zbuloi fytyrën e vërtetë të tij. Një fytyrë që s`ka ndryshuar as sot e kësaj dite. Prandaj, edhe beteja vazhdon.”, thuhet në deklaratën e "Vetëvendosjes".

Me rastin e 4 vjetorit të protestës së 10 Shkurtit 2007, do të ketë homazhe te varri i Mon Balaj në Podujevë dhe te varri i dëshmorit Arben Xheladini, në Prishtinë.

Po ashtu do të vendosen lule tek pllaka përkujtimore, në sheshin “Nëna Tereza”, Prishtinë.

Ndërkaq, në orët e pasdites do të shfaqet filmi “10 Shkurti”, ndërkaq do të organizohet një akademi përkujtimore si dhe do të ketë një ekspozitë.

Kalendari

Ngjarjet e datës 7 tetor 2022 - Komisioni i posaçëm për shqyrtimin e kandidatëve për emërim në Gjykatën Kushtetuese shqyrton nominimet e kandidatëve për gjyqtar në Gjykatën Kushtetuese lidhur me përmbushjen e kushteve të parapara me Kushtetutë dhe Ligj. (Ndërtesa e Kuvendit, salla C301, ora 9:00)

- Ministria e Zhvillimit Rajonal dhe Caritas Zviceran në Kosovë lansojn thirrjen “Projektet Investuese të Diasporës” në kuadër të projektit “Veprimi i Komunave për Riintegrim dhe Diasporë – MARDI”. (Ndërtesën Qeverisë, salla P38, ora 9:30)

 - Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Kryetari i Komisionit për Punë të Jashtme dhe Diasporë, Haki Abazi mban konferencë për medie lidhur me qëndrimet dhe vlerësimet për proceset e rëndësishme nëpër të cilat po kalon vendi. (Holli i Kuvendit të Kosovë, ora 10:00)

- Rrjeti i Grave të Kosovës dhe Fondi i Kombeve të Bashkuara për Popullsinë publikojnë përmbledhjen e politikave 'Dispozitat për koston e lejes së lindjes, atësisë dhe pushimit prindëror në Ligjin e Punës', të shkruar nga Dita Dobranja në emër të RrGK-së. (Hotel Sirus, ora 10:00)

- OJQ Aktiv organizon prezantimin e “Udhëzuesin për verifikimin bazë të informacionit mediatic” i cili është i dedikuar kryesisht për komunitetin serb të Kosovës. (Qendra e Energjisë Qytetare në Mitovicën e Veriut, ora 11:00)

- Sekretari Gjeneral i FIBA Andreas Zagklis takohet me Ministrin e Kulturës, Rinisë dhe Sportit të Kosovës, Hajrulla Çeku. (Ndërtesa e Ministrisë së Kulturës, ora 11:00)