19 Janar 2022

OSBE dhe Policia lansojnë fushatën e përbashkët kundër dhunës në familje

Prishtinë, 25 nëntor - Misioni i OSBE-së dhe Policia e Kosovës lansuan sot fushatën e përbashkët kundër dhunës në familje me qëllim të ngritjes së vetëdijesimit dhe të parandalimit më efektiv të dhunës.  

Fushata do të përfshijë vendosjen e billbordeve në mbarë Kosovën, bashkë me spote televizive dhe debate, dhe do të jetë pjesë e shënimit të "16 Ditëve të aktivizmit kundër dhunës gjinore" që shënohet në mbarë botën.

Mesazhi kryesor - “Një shuplakë është dhunë; Dhuna është krim”- e thekson se dhuna në familje është njëkohësisht edhe shkelje e të drejtave të njeriut por edhe krim, edhe nëse ndodh brenda familjes. Për më tepër, ekziston rreziku që dhuna në familje të përshkallëzohet. Megjithëse mund të fillojë me akte më të vogla dhune, ajo mund të çojë edhe në përfundim fatal.

Fushata u bën thirrje viktimave dhe dëshmitarëve që ti raportojnë rastet e mundshme në polici. Ajo gjithashtu synon të promovojë një politikë të tolerancës zero ndaj dhunës në familje në të gjitha sferat e shoqërisë.

“Dhuna në familje vazhdon me të sajën dhe lë gjurmë tek familjet, veçanërisht gratë dhe vajzat. Ne duhet të shohim veprime të forta dhe konsistente nga ofruesit e shërbimeve. Pra, kushdo që përjeton apo është dëshmitar i dhunës duhet të lajmërojë policinë dhe ta raportojë dhunën”, tha Michael Davenport, Shefi i Misionit të OSBE-së në Kosovë.

“Ne të gjithë mund të luajmë rolin tonë. Pavarësisht nëse jeni viktimë apo dëshmitar, raportoni dhunën sapo ta shihni”, shtoi ai.

“Rastet e dhunës në familje janë raste të ndjeshme dhe dhuna nuk ndalet pa u raportuar apo trajtuar nga organet kompetente. Policia e Kosovës është e përkushtuar për parandalimin e dhunës në familje si parakusht për një shoqëri të fortë dhe të shëndoshë”, tha Samedin Mehmeti, Drejtor i Përgjithshëm i Policisë së Kosovës.

 

 

Kalendari

Ngjarjet e datës 19 janar 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin për ndryshimin dhe plotësimin e Ligjit për Shitjen e Banesave për të cilat ekziston e Drejta Banesore, shqyrton raportin e grupit punues në lidhje me zbatimin e mbikëqyrjes së Ligjit për përgjegjësinë disiplinore të gjyqtarëve dhe prokurorëve, etj. (Ndërtesa e Kuvendit, salla N303, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë Ndërkombëtare për Çështje të Narkotikëve dhe Zbatimit të Ligjit dhe NED-it mban konferencë për media në të cilën do të prezantohet analiza me titull “Konfiskimi i pasurisë së pajustifikueshme: problemet juridike të Projektligjit aktual”. (Hotel Sirius, ora 10:00)

- Komisioni për Shëndetësi dhe Mirëqenie Sociale shqyrton draft raportin e monitorimit të Ligjit për Shëndetin Mendor dhe diskuton për punën e Këshillit për Objektivat e Zhvillimit të Qëndrueshëm. . (Ndërtesa e Kuvendit, salla N302, ora 10:00)

- Komisioni për Mbikëqyrjen e Financave Publike inicon procedurat lidhur me auditimin e raporteve vjetore financiare dhe raportet e deklarimit financiar të fushatës, së subjekteve politike, për vitin 2021. (Ndërtesa e Kuvendit, salla N10, ora 10:00)
 
- Lëvizja FOL vazhdon serinë e debateve FOL Hapur me Ministren e Industrisë, Ndërmarrësisë dhe Tregtisë, Rozeta Hajdari. (Hotel Sirius, ora 11:00)

- The British School of Kosova organizon shfaqjen edukativo - arsimore për fëmije  "Mushkonjat dhe Princi". (Teatri "Faruk Begolli" në Kolegjin AAB, ora 11:00)

- Administrata Tatimore e Kosovës mban ceremoninë e themelimit të 22 vjetorit të saj në të cilën do të marrin pjesë Ministri i Financave, Punës dhe Transfereve Hekuran Murati dhe drejtues nga odata ekonomike, përfaqësues nga institucionet ndërkombëtarë, si dhe përfaqësues nga organizatat e kontabilitetit. (Qendra e Shërbimit për Tatimpagues, ish-ndërtesa e Gërmisë, sheshi Skënderbeu, ora 14:00)

- Në kuadër të manifiestimit 'Flaka e Janarit' hapet ekspozitë memoaresh e kujtimesh "Dhoma e Kadriut, Jusufit dhe Bardhoshit". (Muzeu Etnologjik i qyteti të Gjilanit, ora 16:00)

- Partia Socialdemokrate do të mbaj tubim me qytetarë ku do të shpaloset Manifesti - dokumenti i parë i partisë. (Hotel Grand, ora 17:00)