30 Janar 2023

OAK memorandum bashkëpunimi me Fakultetin Juridik

Prishtinë, 2 qershor - Është nënshkruar sot Memorandum Bashkëpunimi mes Odës së Avokatëve të Kosovës (OAK) dhe Fakultetit Juridik të Universitetit të Prishtinës (UP).  

Me këtë memorandum Bashkëpunimi, OAK dhe Fakulteti Juridik  do të ndërtojnë lidhje të qëndrueshme në shkëmbimin e ekspertizës, përvojës dhe resurseve të përbashketa.

 

Ata do të bashkepunojnë edhe në fushën e aftësimit dhe përgatitjes së juristëve të rinj për ushtrimin e  profesionit ligjor/studenteve, praktikantëve dhe avokatëve të rinj.

Veçanërisht do të inkurajohet bashkëpunimi i jashtëm me organizata nga fusha e edukimit  të të drejtave të njeriut.

Në mënyrë specifike Fakulteti do t’i ofrojë Odës mbështetje për realizimin e: Programit për Aftësimin e avokateve praktikante (3 eksperte: fusha penale, civile, komerciale); Programit për Arsimimin Intensiv Ligjor për Avokatet e Rinj (4 eksperte: shkrimi ligjor, civile, penale, të drejtat e njeriut); Programin për Avokatet e Cështjeve Komerciale (lemia e punës, arbitrazha, marka tregtare, të drejtat e autorit); Specializimit të avokateve.

Ndërsa, Oda do të ofrojë Fakultetit Juridik: Aftësim praktik për studentet e vitit të tretë nga 11 studentë cdo 3 muaj; Studentë (niveli i masterit) do të shërbejnë në Qendrën e Ndihmes së Parë Juridike të OAK; Shpërblimi për ESSE-n më të mirë në lidhje me profesionin ligjor, për të gjithë studentet e drejtesisë.

Do të shpërblehen tri punimet me të mira: me te holla (250E, 200E dhe 150E ) dhe do të publikohen në Buletinin e Odës. Përzgjedhjen do ta bëjë Komisioni i vecantë: anëtarë të Odës (3), të Fakultetit.Juridik (1), gjyqtarë (2), ekspert të pavarur (1); Ekspertet e Odes do të marrin pjesë në zhvillimin e Mesimit Klinik, Programeve të Etikave Profesionale dhe Zhvillimin e shkathësive praktike për studentet e drejtesisë.

Për implementim palët në afatin prej 7 ditësh do të emrojnë nga 3 (tre) anëtarë në Grupin e përbashket.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)