18 Gusht 2022

Nënshkruhet Memorandum i Bashkëpunimit mes KPK-së dhe KGJK-së

Prishtinë, 2 mars – Kryesuesi i Këshillit Prokurorial, Jetish Maloku dhe Kryesuesi i Këshillit Gjyqësor, Albert Zogaj, kanë nënshkruar Memorandumin e Bashkëpunimit për zbatimin e fazës tranzitore (fazës së katërt) të Sistemit për Menaxhimin Elektronik të Lëndëve (SMIL) në gjykatat dhe prokuroritë e vendit.

Në ceremoninë e nënshkrimit, u tha se ky akt i rëndësishëm ndërinstitucional nënshkruhet, duke pasur parasysh kompleksitetin e zbatimit dhe arritjet e deritashme të SMIL-it dhe domosdoshmërinë e bashkëpunimit të mëtejshëm mes KPK-së dhe KGJK-së, në mënyrë që të sigurohet një sistem i qëndrueshëm elektronik, i cili ndihmon në forcimin e sundimit të ligjit në Kosovë në përputhje me standardet dhe vlerat e BE-së.

Gjithashtu, KPK-ja dhe KGJK-ja u pajtuan se, do të punojnë ngushtë në të gjitha aspektet që kanë të bëjnë me zbatimin, financimin, planifikimin dhe organizimin e këtij projekti madhor digjital, me anë të të cilit mundësohet rritja e transparencës, efikasitetit dhe sigurohet funksionimi i drejtësisë në mënyrë më efikase, më cilësore dhe me kosto efektive.

Me këtë rast, në përfundim të kësaj ceremonie, kryesuesit e dy këshillave nënshkruan edhe kërkesën e përbashkët drejtuar Projektit EUKOJUST për lokacionin e Qendrës së Rimëkëmbjes për Teknologji Informative, e cila do të përdoret për qëllime të gjykatave dhe prokurorive. 

Kalendari

Ngjarjet e datës 18 gusht 2022

 - Mbahet seanca në rastin e falsifikimit të tenderit 800 mijë euro për rinovimin e objektit të PSRK-së ndaj të akuzuarit Tahir Sopa, përfaqësues i firmave “NBT ING SHPK” dhe “NPN Bajramaj”. (Pallati i Drejtësisë, ora 9:30)

- Komuna e Rahovecit mbant dëgjimi publik për buxhetin e vitit 2023 më bashkësit lokale, lagjet urbane dhe përfaqesues të shkollave. (Shtëpia e Kulturës 'Mensur Zyberaj' në Rahovec, ora 10:00)

- Bashkimi i Sindikatave të Pavarura të Kosovës mban konferencë për media e cila ndërlidhet me shpalljen e grevës së përgjithshme. (Zyrat e BSPK-së, ora 13:00)

- Fondacioni Shtatëmbëdhjetë organizon hapjen e programit Rezidenca 17. (Shtëpia e Hivzi Sulejmanit në lagjen Taslixhe, ora 18:00)