14 Gusht 2022

Ministria e Mbrojtjes dhe Komuna e Prishtinës nënshkruajn marrëveshje

Prishtinë, 25 mars - Sot në objektin e vjetër të Komunës, do të nënshkruhet një Marrëveshje Bashkëpunimi në mes të Kryetarit të Komunës së Prishtinës Perparim Rama si dhe Ministrit të Mbrojtjes Armend Mehaj.

Qëllimi i kësaj marrëveshje bashkëpunimi është ofrimi i mbështetjes teknike e profesionale nga Ministria e Mbrojtjes, përmes njësive të FSK-së, në realizimin e aktiviteteve të Komunës së Prishtinës për trajtimin e materialeve të cilat përmbajnë asbest me qëllim të mbrojtjes së shëndetit dhe jetës së qytetarëve që mund të cenohen dhe rrezikohen nga prania e asbestit në zonën urbane, sidomos afër shkollave dhe në lagjet e urbanizuara të Prishtinës.

Pas nënshkrimit të Marrëveshjes së Bashkëpunimit, Kryetari Përparim Rama së bashku me Ministrin Armend Mehaj, do të paraqiten me një konferencë për media ku edhe do të keni mundësi të njoftoheni më shumë rreth marrëveshjes.

Kalendari

Ngjarjet e datës 13 gusht 2022

- Lidhja Demokratike e Kosovës mban konferencë për medie. (Selia qendrore e LDK-së, ora 12:00)

- Nën përkujdesjen e kryetarit të Komunë së Gjilanit, Alban Hyseni do të bëhet rivarrimi i dëshmorit, Enver Pacolli nga varrezat civile në Hajvali në varrezat e dëshmorëve në Gjilan, për nder të ditëlindjes së tij. (Varrezat e dëshmorëve në Gjilan, ora 12:00)
 
- Mbahet dita e dytë e festivalit “Mal Fest” në Malishevë i cili synon të jetë tradicional dhe objektiv e ka rininë dhe mërgatën e Komunës së Malishevës. (Parku i qytetit në Malishevë, ora 19:00)

- - Në kuadër të Akademisë Verore ‘’Arbën Xhaferi" behët promovimi i librit "Teknologjia e Lajmit" e autort Zylyftar Bregu ku i pranishëm do të jetë edhe kryetari i Komunës së Vushtrrisë Ferit Idrizi poashtu Ambasadori i Shqipërisë, Qemal Minxhozi. (Kalaja e Vjetër e Vushtrrisë, ora 19:30)