30 Janar 2023

Ministri Rexhepi u takua me shefin e UNHCR-së

Prishtinë, 16 korrik - Ministri i Punëve të Brendshme, z. Bajram Rexhepi, sot ka pritur në zyrën e tij shefin e misionit të UNHCR-së në Kosovë, Jo Hegenauer.

Në këtë takim, ministri Rexhepi shfrytëzoi rastin ta falënderojë Hegenauer për kontributin e dhënë gjatë punës në Grupin Punues për hartimin e Strategjisë për Re-integrimin e Personave të Riatdhesuar. 

Ndërsa Hegenauer, gjatë këtij takimi ofroi mbështetjen nga UNHCR-ja në implementimin sa më të shpejtë të kësaj strategjie dhe po ashtu u shpreh i gatshëm që misioni i udhëhequr nga ai, t’i ndihmojë personat e riatdhesuar që të integrohen sa më shpejtë në shoqërinë e kosovare.

Në këtë takim, Rexhepi theksoi se Republika e Kosovës është e përgatitur shumë mirë për të përballuar këtë proces. Ai pohoi  se nga Qeveria e Kosovës është ndarë një fond i caktuar për procesin e re-integrimit të personave të riatdhesuar në Kosovë.

Ministri Rexhepi po ashtu paralajmëroi se në fillim të këtij shtatori pritet të mbahet një konferencë e donatorëve, ku pritet të pasurohet ky fond që do të mund të lehtësonte më tej këtë proces.  

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)