30 Janar 2023

Ministri Rexhepi priti kryetarin e Pejës, Ali Berisha

Prishtinë, 16 gusht - Ministri i Punëve të Brendshme, Bajram Rexhepi, priti sot kryetarin e Komunës së Pejës, Ali Berisha.

Kjo vizitë e Berisha u bë për shkak të pamundësisë për tu takuar me ministrin Rexhepi javën e kaluar, gjatë vizitës së tij në Pejë.

Gjatë këtij takimi u diskutua për një varg çështjesh, me theks të veçantë ishte kërkesa për bashkëpunim më të mirë në mes të Drejtorisë së Inspektorëve Komunalë dhe Policisë së Kosovës, në rastet të kryerjes së detyrave ku është e nevojshme asistenca e policisë.

Çështje tjetër që u diskutua ishte edhe lidhur me objektin e zjarrfikësve të kësaj komune. Me këtë rast, është dhënë ide që Shërbimi i Zjarrfikësve të transferohet në një objekt të ri, ku pronësia është e përzier meqë në katin e parë të këtij objekti është investuar nga komuna e Pejës, ndërsa në katin e dytë nga Fabrika e Baterive.

Pasi Fabrika e Baterive në Pejë është në kompetencë e Agjencionit Kosovar të Privatizimit (AKP), të dyja palët u pajtuan në adresimin e një kërkese të harmonizuar, që ky objekt t’i jepet në shfrytëzim Shërbimit të Zjarrfikësve, me ç’rast kryetari i Pejës është zotuar të investojë në ndërtimin e garazheve dhe objekteve përcjellëse për zjarrfikës.

Po ashtu, në takimin në mes të z. Rexhepi dhe z. Berisha u bisedua për ndarjen e parcelës për ndërtimin e Stacionit Regjional të Policisë së Kosovës.

“Ne si Ministri do të kërkojmë që Shtylla e PK-së për Shërbime dhe Mbështetje të dërgojnë një kërkesë në Kuvendin Komunal të Pejës për hapësirën se sa i nevojitet për ndërtimin e Stacionit Regjional të policisë dhe dërgimin e projektit ideor, në mënyrë që Komuna të marrë vendim për ndarjen e lokacionit”, tha ministri Rexhepi gjatë këtij takimi.

Në këtë takim ministri Rexhepi e informoi kryetarin Berisha për bashkëpunimin me Malin e Zi, për çështjen e blegtorëve të brezit kufitar me këtë shtet dhe për realizimin e premtimit që ata mund t’i përdorin kullotat e tyre pa pengesë.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)