25 Tetor 2021

Ministri Rexhepi ftohet për vizitë zyrtare në Berlin

Prishtinë, 6 prill - Ministri i Punëve të Brendshme, Bajram Rexhepi priti sot në një takim pune ambasadorin e Republikës Federale të Gjermanisë në Prishtinë, Hans Dieter Steinbach.

Në këtë takim, ministri Rexhepi e njoftoi ambasadorin Steinbach me prioritetet dhe planet e tij në Ministrinë e Punëve të Brendshme, duke siguruar njëkohësisht vazhdimësi të angazhimeve dhe reformave  të ndërmarra.

Ambasadori Steinbach e uroi Ministrin Rexhepi për emërimin e tij Ministër i Punëve të Brendshme, duke shprehur besimin se do të vazhdojë bashkëpunimin e shkëlqyeshëm me Ministrinë e Punëve të Brendshme dhe agjencionet vartëse të saj.

Po ashtu, ambasadori Steinbach ia përcolli ministrit Rexhepi ftesën e ministrit të Brendshëm të Republikës Federale të Gjermanisë, Thomas de Maizière për të realizuar një vizitë zyrtare në Berlin, që pritet të realizohet më 14 prill të këtij viti dhe ku pritet të nënshkruhen disa marrëveshje bashkëpunimi midis të dyja vendeve në fushën e sigurisë dhe migracionit.

Në fund të takimit, dy bashkëbiseduesit u dakorduan për vazhdimin e bashkëpunimit me qëllim të adresimit të sfidave në sektorin e sundimit të ligjit dhe vazhdimit të reformave në procesin e liberalizimit të vizave dhe integrimit europian.

Kalendari

Ngjarjet e datës 25 Tetor 2021

- Komisioni i Pavarur i Mediave në bashkëpunim me Departamentin e Gazetarisë të UP-së, me rastin fillimit të javës globale për edukimin mbi median dhe informacionin, organizojnë tryezë diskutimi me temën: “Edukimi Medial - Përmbajtjet e papërshtatshme për fëmijë”. (Hotel Sirius, ora 10:00)

- Nën patronatin e Kryeprokurorit të Shtetit, Aleksandër Lumezi do të mbahet “Java për të Drejtat e Viktimave të Krimit”, me moton “Së bashku në mbrojtje të viktimave të krimit”. (Hotelin Emerald, ora 10:00)

- GLPS mban tryezë diskutimit me temë “Meritokracia në shërbimin e jashtëm të Kosovës: një sërë rekomandimesh që duhet marrë parasysh”. (Hotel Swiss Diamond, ora 10:30)

- Punëtorët e Lotarisë së  Kosovës mbajnë protestë në të cilën do të kërkohet miratimi i ligjit për Lotarinë e Kosovës. (Para ndërtesës së Qeverisë, ora 11:00)

- Mbahet konferencë për media lidhur me Festivalin e 12 -të i Filmit të Shkurtër Ballkani Përtej Kufijve. (Kino Armata, ora 12:45)

- Oda e Hotelerisë dhe Turizmit të Kosovës  do të mbajnë tubim për të diskutuar masat e reja. (Golden Imperial, ora 19:00)