Prishtinë, 6 shtator - Qendra për Ndihmë Juridike dhe Zhvillim Regjional (CLARD), Instituti i Kosovës për Drejtësi (IKD) dhe Qendra Avokuese për Kulturë Demokratike (ACDC) sot në sheshin “Zahir Pajaziti” në Prishtinë, organizon fushatën vetëdijësuese kundër dhunës në familje.

Kjo fushatë organizohet në kuadër të projektit “Edukimi kundër dhunës në familje dhe ngacmimit seksual” projekt që mbështetet nga Departamenti i Shtetit Amerikan- Byrosë për Çështje të Narkotikëve Ndërkombëtarë dhe Zbatimit të Ligjit.

Fushata ka për qëllim aktivizim kundër dhunës në familje, të identifikojë sfidat e qytetarëve në qasjen e sistemit të drejtësisë dhe t’i informojë ata mbi të drejtat e tyre, dhe se si ata mund t’i qasen mekanizmave të drejtësisë dhe të kërkojnë ndihmë juridike falas.

Kësaj fushate do ti bashkohen edhe zyrtarë të lartë të Ambasadës Amerikane në Prishtinë, Policia e Kosovës, Mbrojtësit e Viktimave dhe Ministria e Drejtësisë.