30 Janar 2023

Manastir, konferencë e NATO-s, Kosova nuk ftohet

Manastir, 31 maj - Në Manastir të Maqedonisë po zhvillon punimet konferenca për integrimin e rajonit në NATO.

Në këtë konferencë dyditore marrin pjesë ministrat e mbrojtjes së Shqipërisë, Kroacisë, Sllovenisë dhe Turqisë si dhe zyrtarë të lartë të Ministrisë së Mbrojtjes së Serbisë, Bosnjë - Heregovinës dhe Malit te Zi.

Në listën e pjesemarrësve nuk figuron Kosova. Mikpritës i takimit është ministri maqedonas i Mbrojtjes, Zoran Konjanovski.

Temë kryesore e konferencës është rëndësia e integrimit të vendeve të rajonit në NATO, si dhe perspektiva rajonale.

Maqedonia e vlerëson shumë të rëndësishëm një sensibilizim rajonal për integrimin në NATO, për shkak të vetos greke që ka bllokuar këtë proces pas mosmarrëveshjeve mes dy vendeve lidhur me emrin.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)