05 Dhjetor 2022

LDD: Siguria e Kosovës në rrezik të madh

Prishtinë, 7 korrik  - Lidhja Demokratike e Dardanisë (LDD) vlerëson se siguria e përgjithshme në vendin tonë është në rrezik të madh.

Këtë vlerësim në konferencën për media e paraqiti nënkryetari i Lidhjes Demokratike të Dardanisë, Fadil Geci i cili vlerësoi se ky rrezik vjen nga dy faktor kryesor.

“ Faktori i parë i rrezikimit të sigurisë të vendit tonë, vjen pikërisht si pasojë e papërgjegjësisë totale të koalicionit PDK-LDK. Ky koalicion ka shndërruar Kosovën në pronë të tyre private dhe ka lënë anash interesin e qytetarëve të Republikës së Kosovës”, tha Geci .

Nënkryetari i LDD-së vlerësoi se duke vrapuar pas tenderëve, duke e konsideruar interes të tyre strategjik shitjen sa më të shpejtë të pasurisë të Kosovës, partnerët e koalicionit kanë harruar krejtësisht çështjen e sigurisë të vendit, integritetin dhe sovranitetin e shtetit dhe lëvizjen e lirë të qytetarëve në mbarë territorin e shtetit.

“Partnerët e koalicionit të zhytur deri ne fyt në afera korruptive, prioritet të tyre të vetëm kanë përfitimin personal, e jo ngritjen e standardit jetësor të qytetarëve dhe sigurinë e tyre. Partnerët e koalicionit në vend që ta luftojnë korrupsionin, krijojnë fonde për ti mbrojtur të korruptuarit që po hetohen nga prokurorët e Prokurorisë specialë të Kosovës dhe atyre të EULEX-it. Ky koalicion po rrezikon themelet e shtetësisë së Kosovës të ndërtuara me sakrificën, luftën dhe gjakun e popullit të Kosovës”.

Geci vlerësoi se siguria në shtetin tonë po rrezikohet me veprimet antikushtetuese të krerëve shtetërorë të Kosovës.

“Faktori i dytë i rrezikut të sigurisë të Kosovës dhe qytetarëve të saj vjen nga Serbia dhe elementet kriminale që veprojnë brenda territorit të Republikës së Kosovës. Funksionimi i strukturave ilegale serbe në territorin e Republikës së Kosovës është atak dhe cenim i drejtpërdrejtë i integritetit dhe sovranitetit të shtetit tonë”.

Geci gjithashtu vlerësoi se këto struktura paralele veprojnë ilegalisht duke qenë të orkestruara dhe duke pas përkrahjen e plotë të shtetit Serb dhe si të tilla nuk pengohen nga autoritetet e shtetit të Kosovës”.

Në Kosovë hyjnë lider politik serb, mbajnë fjalime shoveniste, madje në urën e Mitrovicës përcillen nga banditë të armatosur, provokojnë shqiptarët dhe kthehen ne Serbi pa u kontrolluar në pikat kufitare me Serbinë. Serbia mban zgjedhje në Kosovë dhe pushtetarët tanë mashtrojnë opinionin se gjoja këto zgjedhje janë ilegale dhe të papranueshme”.

U vlerësua se përderisa flitet për bisedime të ashtuquajtura me Serbinë, kryeministri i vendit së pari duhet ta njoftoi popullin se cili është realiteti i këtyre bisedimeve që po zhvillohen pas shpine e që rrezikojnë sovranitetin e integritetin e Kosovës.

“Ky koalicion qeverisës duhet ta dijë se këto pazare të ndyta nuk do ti lejoj as populli i Kosovës e aleatët tonë në krye me SHBA-të. Ne si LDD, jemi opozitë e pushtetit në Kosovës, e jo e shtetit të Kosovës. Kur të rrezikohet siguria e shtetit dhe qytetarëve të sajë, kemi qenë dhe do të jemi mbi interesat partiake’.

LDD konsideron se është në interes nacional që ky koalicion qeverisës të shkoj sa më shpejtë në shtëpi sa nuk është vonë, tha Geci.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)