30 Janar 2023

Kuçi: Reduktimi i KFOR-it në proporcion me realitetin

Prishtinë, 10 gusht - Zëvendëskryeministri i Qeverisë së Republikës së Kosovës, Hajredin Kuçi është takuar sot me komandantin e komandës së Përbashkët të Forcave të NATO-s, me seli në Napoli, admiralin Mark Fitzgerald.

Në takim është diskutuar për gjendjen e përgjithshme të sigurisë në Republikën e Kosovës dhe në rajon, për thellimin e bashkëpunimit me KFOR-in, për ngritjen e kapaciteteve të Forcës së Sigurisë të Kosovës dhe për tema tjera me interes.

Zëvendëskryeministri Hajredin Kuçi theksoi përkushtimet e Qeverisë së Republikës së Kosovës për një ambient të sigurtë dhe të barabartë për të gjithë qytetarët. Më tej, zëvendëskryeministri Kuçi theksoi se reduktimi i trupave të KFOR-it duhet të bëhet në proporcion me realitetin e krijuar dhe të mos lejohet vakuum në sigurinë e vendit.

Zëvendëskryeministri Kuçi theksoi besimin se me këtë avancim që është duke kaluar Republika e Kosovës në aspektin e sigurisë dhe të stabilitetit të përgjithshëm, është hapur rruga që Kosova të jetë pjesë e Partneritetit për Paqë dhe së shpejti edhe anëtare e NATO-s.

Në takim, zëvendëskryeministri Kuçi shprehu garancën që Republika e Kosovës është vend i sigurt dhe krijon mundësi për ndikim pozitiv në stabilitetin e rajonit. Z.Kuçi po ashtu shprehu nevojën për veprime më të mëdha në pjesën veriore, për të forcuar sigurinë e vendit, për të ndaluar kontrabandën dhe krimin e organizuar në atë pjesë të territorit të Kosovës.

Gjatë takimit me admiralin e NATO-s, Mark Fitzgerald, zëvendëskryeministri Hajredin Kuçi ritheksoi angazhimet e Qeverisë së Republikës së Kosovës për mbrojtjen e objekteve të trashëgimisë kulturore dhe potencoi përkushtimin e Policisë së Kosovës për krijimin e një ambienti të sigurtë për të gjitha komunitetet, me theks të veçant për komunitetin serb.
 

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)