18 Gusht 2022

Kosova partner serioz për komunitetin ndërkombëtar

Prishtinë, 10 mars - Ministri i Punëve të Brendshme, z. Xhelal Sveçla, ka takuar Zëvendës Ndihmës Sekretaren për Evropë dhe Azi, Zyra e Çështjeve Ndërkombëtare për Narkotikë dhe Zbatim të Ligjit, znj. Lisa A. Johnson. 

Me këtë rast, ai ka falënderuar këtë Zyre për përkrahjen ndaj institucioneve të Kosovës që nga paslufta, rolin e tyre në krijimin dhe zhvillimin e tyre deri më sot, përmes programeve për fuqizimin e institucioneve të zbatimit të ligjit. 

Ministri Sveçla në këtë takim ka ritheksuar që synimi i Kosovës është i qartë karshi anëtarësimit në Evropë dhe integrimeve euroatlantike dhe njëkohësisht zotimin për luftimin e krimit trans nacional dhe korrupsionit. 

Znj. Johnson mes tjerash ka vlerësuar angazhimin e Policisë së Kosovës për luftimin e trafikimit me drogë, krimit të organizuar dhe terrorizmit. Është vlerësuar lartë edhe bashkëpunimi i Kosovës për strehimin e qytetarëve afganë, duke theksuar që po dëshmon për komunitetin ndërkombëtar që është partner serioz. 

Kosova aktualisht është programi i dytë më i madh i INL në Evropë dhe znj. Johnson u zotua që Kosova do të vazhdojë ta gëzojë përkrahjen për institucione efikase në zbatimin e ligjit. 

 

Kalendari

Ngjarjet e datës 18 gusht 2022

 - Mbahet seanca në rastin e falsifikimit të tenderit 800 mijë euro për rinovimin e objektit të PSRK-së ndaj të akuzuarit Tahir Sopa, përfaqësues i firmave “NBT ING SHPK” dhe “NPN Bajramaj”. (Pallati i Drejtësisë, ora 9:30)

- Komuna e Rahovecit mbant dëgjimi publik për buxhetin e vitit 2023 më bashkësit lokale, lagjet urbane dhe përfaqesues të shkollave. (Shtëpia e Kulturës 'Mensur Zyberaj' në Rahovec, ora 10:00)

- Bashkimi i Sindikatave të Pavarura të Kosovës mban konferencë për media e cila ndërlidhet me shpalljen e grevës së përgjithshme. (Zyrat e BSPK-së, ora 13:00)

- Fondacioni Shtatëmbëdhjetë organizon hapjen e programit Rezidenca 17. (Shtëpia e Hivzi Sulejmanit në lagjen Taslixhe, ora 18:00)