30 Janar 2023

KFOR-i do ta vazhdojë misionin e në bazë të rezolutës 1244

Prishtinë, 11 gusht - KFOR-i do ta vazhdojë misionin e tij në Kosovë në bazë të rezolutës 1244, ka thënë komandanti i Forcave të Bashkuara të NATO-s, në Napoli, admirali Mark Fitzgerald i cili po qëndron në Kosovë.

“Kjo është një çështje politike që me siguri do të vendoset në Organizatën e Kombeve të Bashkuara. Drejtimi ynë politik ende mbetet në implementimin e rezolutës 1244 dhe ne do të vazhdojmë me misionin tonë”, është shprehur Fitzgerald.

Pas këtij demonstrimi të Forcës së Sigurisë së Kosovës në zonën e Harilaçit, admirali amerikan ka thënë se çdo përparim i FSK-së dhe i policisë së Kosovës është një hap drejt largimit të KFOR-it nga Kosova.

“Misioni ynë është që FSK-në ta bëjmë me aftësi të plota operacionale. Këto aftësi mendoj se janë të njohura për juve dhe u demonstruan sot këtu. Disa nga këto aftësi ndoshta do të përdoren në operacione paqeruajtëse, kështu që ne nuk e hedhim poshtë këtë mundësi dhe kjo është në dorën e qeverisë  dhe të institucioneve në Kosovë, pra që të vendosin se si ta përdorin atë”, deklaroi Fitzgerald.

“FSK-ja është në gjendje të kontribuojë në misione humanitare nëpër mbarë botën.  Ne tashmë e kemi parë këtë në Shqipëri, ai ishte hapi i parë dhe ne jemi të gatshëm që të ndihmojmë në këtë drejtim, por gjithçka varet nga institucionet e Kosovës për ta marrë një vendim të tillë”, theksoi Markus Bentler, komandant i KFOR-it.

“Sfida jonë është që forcat e sigurisë të ketë aftësitë e duhura për reagim”, është shprehur Sylejman Selimi, komandant i FSK-së.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)