30 Janar 2023

Gjilan, inaugurohet objektit i QKRC-së dhe QRA-së

Prishtinë, 13 gusht - Ministri i Punëve të Brendshme, Bajram Rexhepi, sot në Gjilan bëri inaugurimin e objektit të Qendrës  Komunale për Regjistrim Civil (QKRC) dhe Qendrës së Regjistrimit të Automjeteve (QRA).

Pas prerjes së shiritit inaugurues, ministri Rexhepi premtoi se pas një jave këto dy qendra do të hapin dyert për qytetarët.

“Objekti i QKRC dhe QRA është shumë funksional që do t’i plotësojë të gjitha kushtet e domosdoshme, si për punëtorët ashtu edhe për aplikantët që vijnë këtu. Presim që ky objekt do të hyjë në funksion shumë shpejt”, tha ministri Rexhepi.

Brenda këtij afati një javor, QKRC dhe QRA në Gjilan do të kompletohen tërësisht me të gjitha pajisjet e duhura, ku pritet të jetë një qendër funksionale dhe moderne.

Projekti për ndërtimin e këtyre dy qendrave është financuar nga Ministria e Punëve të Brendshme dhe ka kushtuar rreth 340 mijë euro.

Gjatë vizitës në Gjilan, ministri Rexhepi i shoqëruar nga u.d i Drejtorit të Përgjithshëm të Policisë së Kosovës, z. Behar Selimi dhe zyrtarë të tjerë të lartë nga MPB dhe PK-ja, vizituan Stacionin Policor të Gjilanit.

Në takim me krerët policorë u bisedua për gjendjen e sigurisë në rajonin e Gjilanit, e cila u vlerësua të jetë e qetë.

“Ne jemi të kënaqur dhe krenarë me punën tuaj. Ne si Ministri, do të angazhohemi për krijimin e kushteve më të mira të punës në mënyrë që të jeni sa më efikas në ruajtjen e rendit dhe qetësisë”, tha ndër të tjera ministri Rexhepi në këtë takim.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)