05 Dhjetor 2022

Gjilan, aksident trafiku me fatalitet

Prishtinë, 8 korrik - Policia e Kosovës ka bere te ditur se sot rreth orës 02:00 në rrugën Gjilan – Prishtinë afër udhëkryqit me rrugën Qarkore ka ndodhur një aksident trafiku me fatalitet.

Dyshohet se deri te aksidenti të ketë ardhur atëherë kur drejtuesi i Automjetit Fiat Focus me targa vendore, L. M. shtetas Kosovar 26 vjeçar ishte duke lëvizur nga fshati Pasjak në drejtim të Gjilanit, pasi kalon udhëkryqin me rrugën qarkore nga mos përshtatja e shpejtësisë dhe dyshohet se ishte edhe nën ndikim të alkoolit.

Si pasojë e kësaj vozitjeje të pa kontrolluar e godet me pjesën e përparme të automjetit këmbësorin F. D. shtetas Kosovar 29 vjeçar i cili ishte duke lëvizur në krahun e djathtë të rrugës  në të njëjtin drejtim ku nga goditja e marrë nga vetura ka vdekur në vend të ngjarjes.

I dyshimti me veturën e tij sipas policise nuk ndalet dhe vazhdon edhe më tutje lëvizjen në drejtim të qytetit por pas disa metrash përsëri humb kontrollin mbi automjetin dhe përplaset në një lokal i cili ishte po ashtu në anën e djathtë të lëvizjes.

Në këtë rast po ashtu lëndime trupore marrin edhe drejtuesi i automjetit si dhe pasagjeri të cilët janë ndalur në repartin e Kirurgjisë në Gjilan.

Në lidhje me rastin njoftohet Prokurori i cili del në vend të ngjarjes dhe me urdhër të tij trupi i pa jetë dërgohet për Obduksion në Institutin Mjeko Ligjorë në Prishtinë, po ashtu me urdhër të prokurorit drejtuesit të automjetit i është shqiptuar masa e ndalimit për 48 orë. Rasti është duke u hetuar nga njësitet e trafikut rajonal të Gjilanit.
 
 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)