24 Tetor 2021

EULEX: Kthimi i gjykatësve në veri është politizuar

Prishtinë, 4 prill - Misioni evropian për sundimin e ligjit e ka cilësuar çështjen e kthimit të gjykatësve shqiptarë dhe atyre serbë në Gjykatën në veri të Kosovës si të politizuar nga autoritetet në Prishtinë dhe Beograd.

Një zëdhënës i këtij misioni, Hanns Christian Klasing, i tha BBC-së se EULEX-i ka vendosur kontakte dhe po zhvillon bisedime me të dyja palët për të arritur një zgjidhje për Gjykatat në veri, megjithëse e cilësoi gjithë çështjen si komplekse dhe aspak të lehtë.

Ai tha se EULEX-i nuk mund të ndërhyjë në vendime politike dhe as bisedimet politike mes Prishtinës e Beogradit, por e cilësoi si urgjente nevojën e kthimit të gjykatësve shqiptarë dhe atyre serbë në Gjykatën në veri.

Misioni evropian për sundimin e ligjit ka propozuar kthimin e gjashtë gjykatësve, dy shqiptarë, dy serbë dhe dy ndërkombëtarë në Gjykatë, që nuk është funksionalizuar që prej dy vitesh.

Por ndërkohë, Këshilli Gjyqësor i Kosovës ka reaguar ndaj propozimit të EULEX-it që dy gjykatës serbë, të cilët kohë më parë kanë dhënë betimin para presidentit serb Tadic, të punojnë në organet e drejtësisë në veri të Mitrovicës.

Zyrtarët në Prishtinë thonë se gjykatësit e strukturave paralele serbe nuk mund të punojnë në gjykatat e Kosovës, nëse të njëjtit nuk i nënshtrohen Kushtetutës së vendit. 

Kalendari

Ngjarjet e datës 23 Tetor 2021 - Shoqata për Teknologji të Informacionit dhe Komunikimit të Kosovës - STIKK organizon diten e dytë të edicionit te 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 11:00)

- Shfaqet video programi "Pranverë e përhershme, behar i vonuar" nga Protocinema në bashkëpunim me Fondacionin Lumbardhi. (Kino Lumbardhi, ora 12:00)

- Kryetari i Komunës së Prizrenit, Mytaher Haskuka, së bashku me ministrin e Ministrisë së Kulturës, Rinisë dhe Sportit, Hajrulla Çeku do të vizitojnë Kinemanë e parë të Prizrenit, ku ka filluar projekti i restaurimit të kësaj ndërtese. (Objekti i kinemasë së vjetër të Prizrenit në afërsi të zyreve të shoqatës Esnaf, ora 12:00)

- Mbahet dita e dytë e edicionit te tretë te festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 15:00)