31 Janar 2023

EULEX dhe Qeveria zotohën për forcimin e sundimit e ligjit

Prishtin, 19 maj - Bordi i Përbashkët Bashkërendues për Sundimin e Ligjit, i bashkë-kryesuar nga Yves de Kermabon,  Shefi i EULEX-it, dhe Hajredin Kuçi, Zëvendës-kryeministër, mbajti sot takimin e tij të 17 në selinë e EULEX-it në Prishtinë.

Kermabon theksoi se EULEX-i ka bërë shumë  punë kohëve të fundit në  përmbushjen e mandatit ekzekutiv të tij, duke spikatur punën e rëndësishme lidhur me varrezën masive të mundshme në Rashkë.

 “Të gjitha aktivitetet e EULEX-it janë duke u realizuar me qëllim të forcimit të sundimit të ligjit në Kosovë.  Kjo është ajo që ne do të vazhdojmë ta bëjmë.  Po ashtu, ky është edhe qëllim i Qeverisë me të cilën kemi bashkëpunim të shkëlqyeshëm, një trend që është në vijim e sipër,” tha Mr. de Kermabon.

Kuci, Zëvendës-kryeministër, shprehu mirënjohje për punën e EULEX-it në sferën e sundimit të  ligjit në kontekstin e procesit të integrimit të Kosovës në BE.

Përkitazi me nevojën e emërimit të 9 anëtarëve që  mungojnë në Bordin për Shqyrtim të  Brendshëm ashtu që ati t’i mundësohet që të merret urgjentisht me një numër të rasteve të pazgjidhura të grumbulluara, Ahmet Shala, Ministër i Financave, tha se këto emërime do të bëhen deri në takimin e radhës të BPBSL më 7 korrik.

Haki Demolli, Ministër i Drejtësisë dhe Bajram Rexhepi, Ministër i Punëve të Brendshme thanë se përzgjedhja e 30 oficerëve të  PK-së dhe e 5 ekspertëve për Task Forcën Anti-Korrupsion do të kryhet po ashtu deri në takimin e radhës të BPBSL. 

Zëvendës-kryeministri Kuçi e theksoi rëndësinë e emërimit të  Drejtorit të Mjekësisë  Ligjore për shkak të përkushtimit të  fuqishëm të Qeverisë ndaj çështjes së personave të pagjetur dhe për pajtimin.

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00