26 Shtator 2022

Buehler: Reduktimi i KFOR-it tregon përmirësimin e sigurisë

Prishtinë, 15 shkurt - Komandanti i KFOR-it, Erhard Buehler ka vlerësuar se reduktimi dhe ristrukturimi i trupave ka të bëjë vetëm me atë se gjendja e sigurisë është përmirësuar.

Mirëpo, sipas tij, kjo ka të bëjë edhe me përmirësimin e aftësisë së Policisë së Kosovës viteve të fundit.

Në një intervistë për Kosova Sot, ai ka thënë se për këto arsye edhe gjenden në një proces, kur po bëjnë transferimin e kompetencave apo detyrave prej KFOR-it në Policinë e Kosovës.

Sipas gjeneralit Buehler, strukturat e KFOR-it do t`i përshtaten një ndryshimi të organizatës vetëm në reduktimin e numrit të ushtarëve.

“Në këtë aspekt, do të kemi pesë pika komanduese në tërë territorin e Kosovës. Kemi edhe dy batalione luftarake, të cilat mund të veprojnë anembanë Kosovës. Veç kësaj, kemi edhe dy batalione rezervë këtu në Prishtinë, të cilat në rast nevoje mund të përdoren në të gjithë territorin e Kosovës”, ka thënë Buehler.

Në pyetjen se kur Kosova pritet të ketë ushtrinë e saj, gjenerali Buehler është shprehur:

“Forca e Sigurisë së Kosovës është një organizatë e armatosur lehtë, detyra e së cilës është të veprojë në raste emergjente dhe katastrofa natyrore. Ne bashkëpunojmë shumë ngushtë me Ministrinë e FSK-së, gjithashtu edhe me gjeneralët e FSK-së, që kjo organizatë ta arrijë shkallën e aftësisë profesionale.\"

Në këtë aspekt, gjatë tre vjetëve të fundit sipas tij janë bërë përparime shumë të mëdha.

\"Sipas përshtypjes sime, FSK-ja ka arritur që të fitojë besueshmërinë e popullatës dhe të ngrejë imazhin e saj gjatë këtyre viteve të ekzistencës së saj. E di që FSK-ja është shumë e preokupuar që në radhët e saj të përfshijë sa më shumë pjesëtarë të komuniteteve tjera që jetojnë në Kosovë. Çka do të ndodhë me të ardhmen me këtë organizatë, aktualisht nuk mund ta them, mirëpo ta lë lëmë këtë që të vendoset nga politika dhe historia, pasi që FSK-ja t`i ketë arritur aftësitë plota operacionale”.

Kalendari

Ngjarjet e datës 26 shtator 2022 - Nën përkujdesjen e Kryetarit të Komunës së Malishevës, Ekrem Kastrati do të mbahet mbledhje përkujtimore në 24 vjetorin e “Masakrës së Gollubovcit”. (Salla e mbledhjeve të KK të Malishevës, ora 10:00)

- Komiteti Olimpik i Kosovës në kuadër të Javës Evropiane të Sportit 2022, organizon konferencën “Forumi për Sportin”. (Hotel Emerald, ora 10:00)

- Agjencia për Informim dhe Privatësi, me rastin e Ditës Ndërkombëtare për Lirinë e Informimit, mban konferencë me Kryetarë të Komunave. (Hotel Emerald, ora 10:15)

- Këshilli i Prindërve i shkollës “Faik Konica” në Prishtinë do ta organizoj një protestë për të shprehur pakënaqësinë e prindërve dhe nxënësve ndaj mos fillimit të procesit mësimor. (Oborri i shkollës, ora 12:00)

- Në 24 vjetorin e “Masakrës së Gollubovcit” behë homazhe te varrezat e martirëve në Plloqicë. (Fshati Plloqicë, ora 12:00)

- Në Qendrën Mediale në Çagllavicë zhvillohet debati me temën “Jo do të thotë jo - dhuna seksuale dhe ngacmimi i grave”. (Qendra Mediale në Çagllavicë, ora 12:00)

- Mahet mbledhja e Kryesisë së Kuvendit të Repulikës së Kosovës. (Ndërtesa e Kuvendit, salla C 301, ora 11:00)

- Në prag të ndeshjes Kosova - Qipro mbahet konferenca për media e Kombëtares së Kosovës. (Stadiumi “Fadil Vokrri”, ora 17:00)

- Zhvillohet stërvitja zyrtare e Kombëtares së Kosovës. (Stadiumi “Fadil Vokrri”, ora 17:30)

- Mbahet konferenca për media e Qipros. (Stadiumi “Fadil Vokrri”, ora 18:30)

- Zhvillohet sStërvitja zyrtare e Qipros. (Stadiumi “Fadil Vokrri”, ora 19:00)