30 Janar 2023

Azem Syla në prokurori thotë se është i pafajshëm

Prishtinë, 4 gusht - I shoqëruar nga avokati i tij Tom Gashi, Azem Syla është marrë sot në pyetje nga prokuroria speciale e EULEX-it.

Ish komandanti i UÇK-së Azem Syla, më shumë se një orë është marr në pyetje nga prokurori ndërkombëtar për rastin Bllaca.

Syla ka thënë se ndjehet i pafajshëm. Ai tha se i është përgjigjur të gjitha pyetjeve të prokurorit ndërkombëtar.

“Unë iu përgjigja ftesës, dhe iu përgjigja të gjitha atyre pyetjeve që janë përfolur qe disa muaj nga personi Bllaca”, deklaroi Syla.

Avokati i tij, Tomë Gashi tha se ishte procedurë e rëndomtë dhe një rast i mirë që klienti i tij të sqarojë më shumë rreth dyshimeve të ngritura nga prokuroria e EULEX-it.

“Azem Syla ka sqaruar para prokurorit special të EULEX-it dyshimet që ishin ngritur ndaj tij nga Nazim Bllaca, me qenë se Bllaca kishte përmendur emrin e tij në një dvd të publikuar vitin e kaluar”, ka thënë Gashi pas përfundimit të marrjes në pyetje te Sylajt.

Avokati Gashi po ashtu ka sqaruar se kjo ishte një procedurë e rëndomtë dhe shprehu gatishmërinë që klienti i tij të paraqitet sërish në prokurori, nëse do të ketë ftesë.

Policë dhe hetues të EULEX-it javën e kaluar bastisën shtëpinë e Azem Sylës në fshatin Kishnarekë të komunës së Drenasit.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)