27 Nëntor 2022

Arrestohet një ish-pjesëtar i UÇK-së në Zvicër

Bern, 21 prill - Një ish pjesëtar i UÇK-së, i akuzuar për krime të luftës, është arrestuar në Zvicër, me kërkesë të Serbisë, ka njoftuar ministria e drejtësisë e Zvicrës.

“Ai është i dyshuar se ka bërë krime të luftës, si anëtar i Ushtrisë Çlirimtare të Kosovës”, tha Folco Galli, zëdhënës i ministrisë së drejtësisë.

Gjithashtu, ai ka theksuar se “ i është kërkuar nga autoritetet e Serbisë dhe aktualisht është nën arrest në shqyrtim të ekstradimit”, njoftoi RFE.

Autoritetet zviceriane po shqyrtojnë kërkesën për ekstradim, tha zëdhënësi Galli, duke shtuar se ish pjesëtari i UÇK-së, emri i të cilit nuk është publikuar, mund të bëjë ankesë, nëse autoritetet e Zvicrës vendosin ta pranojnë kërkesën e Serbisë për ekstradim.

Raportohet se Beogradi e akuzon këtë person se ka kryer krime lufte kundër civilëve serbë në vitin 1999 në Gjilan.
 

Kalendari

Ngjarjet e datës 27 nëntor 2022

- Në shënim të 110-vjetorit të Pavarësisë Shqipërisë do të mbahet mbledhje e përbashkët e Kuvendit të Republikës së Kosovës dhe Kuvendit të Republikës së Shqipërisë. (Kuvendi i Shqipërisë në Tiranë, ora 10:00)

- Me rastin e Ditës së Forcës, Ministria e Mbrojtjes dhe Forca e Sigurisë së Kosovës organizojnë “Ditën e Hapur’’ në të cilën do të marrin pjesë edhe udhëheqësit më të lartë shtetërorë, si dhe përfaqësuesit ushtarakë e diplomatikë të vendeve partnere. (Kazerma “Adem Jashari”, ora 12:00)