05 Dhjetor 2022

Arrestohen tre persona për kontrabandë me armë

Prishtinë, 19 prill - Policia e Kosovës ka arrestuar të martën tre persona me dyshimin e bazuar për kontrabandë me armë dhe municion.

Në njoftimin e policisë thuhet se Drejtoria për Hetimin e Krimit të Organizuar, në vazhdimësi të hetimeve të një rasti kontrabandë me armë dhe municion, ka ndërmarrë operacionin e koduar me emrin “Glloboqica”, i cili është realizuar me urdhër të gjyqtarit të procedurës paraprake.

Gjatë operacionit janë kontrolluar shtëpitë edhe lokalet përcjellëse në zonën e drejtorisë rajonale të Ferizajt dhe janë arrestuar një grup i strukturuar i të dyshuarve të cilët dyshohet se në vazhdimësi kanë kryer veprat penale të lartcekura. Të arrestuarit janë: Q. Ceka 1981, I. Ceka 1962, B. Ceka 1969, të gjithë shtetas kosovarë.

Gjatë realizimit të kontrollit të shtëpive dhe lokaleve përcjellëse janë gjetur dhe konfiskuar një sasi e armatimit dhe municionit:

5 pushkë automatike (1 AK 47 dhe 4 të tjera prodhim suedez), 1 pushkë M 48, 1 revole 9 mm, 1 karabinë zvicerane, 1 pushkë gjysmë-automatike, prodhim jugosllav, 1 palë dylbi ushtarake dhe qindra fishekë të kalibrit të ndryshëm.

Të dyshuarve u është caktuar masa e ndalimit policor për 48 orë dhe janë dërguar në qendrën e mbajtjes në Prishtinë.

Në njoftimin e policisë thuhet se ky rast është hetuar në bashkëpunim me disa shtete të rajonit dhe është një dëshmi se shtetet e rajonit kanë shtuar nivelit e bashkëpunimit në luftën kundër krimit të organizuar.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)