09 Dhjetor 2021

Agron Latifaj ekstradohet nga Hungaria në Kosovë

Prishtinë, 18 qershor - Ministria e Drejtësisë në mbështetje të Policisë së Kosovës, ka bërë sot ekstradimin e Agron Latifaj nga Hungaria në Kosovë, i cili nga autoritetet hungareze, u arrestua me 26 shkurt 2010, pas kërkesës së bërë nga Ministria e Drejtësisë e Republikës së Kosovës.

Pas një komunikimi të shkëlqyer që është bërë në mes të Ministrisë së Drejtësisë së Republikës së Kosovës dhe asaj të Hungarisë, autoritetet hungareze iu kanë përgjigjur pozitivisht kërkesës së Ministrisë së Drejtësisë së Republikës së Kosovës për ekstradimin e z. Latifaj nga Hungaria për në Kosovë, që të përgjigjet për veprat e kryera në ngarkim, dhe në këtë mënyrë të dyja palët janë pajtuar që ekstradimi i të njëjtit të bëhet me datë 18 qershor 2010.

Agron (Halil) Latifaj, i lindur më 2 nëntor 1976, në fshatin Kllëdërnicë të Skenderajt, ishte i kërkuar nga Gjykata e Qarkut në Mitrovicë, për dyshimin e kryerjes së veprave penale: “Vrasje e rëndë”, në kundërshtim me nenin 147 të Kodit Penal të Republikës së Kosovës, “Vrasje”, në kundërshtim me nenin 146 të Kodit Penal të Republikës së Kosovës dhe “Mbajtje në pronësi, në kontroll, në posedim ose në shfrytëzim të paautorizuar të armëve”, në kundërshtim me nenin 328 të Kodit Penal të Kosovës.

Andaj, si rezultati i bashkëpunimit në mes autoriteteve policore të Kosovës dhe atyre hungareze, sot është bërë dorëzimi i z. Latifaj nga autoritetet policore hungareze tek ato Kosovare, dhe i njëjti është dërguar në Gjykatën e Qarkut në Mitrovicë, tek gjyqtari i procedurës paraprake për të vazhduar procedurat e mëtutjeshme.

Pas një bashkëpunim në mes të Ministrisë së Drejtësisë dhe Ministrisë së Punëve të Brendshme të Republikës së Kosovës, është themeluar njësiti për ekstradimin e të dyshuarve nga shtetet tjera për në Kosovë.

Ky është ekstradimi i parë i kryer nga pjesëtarët e këtij njësiti të përbërë nga Policia e Kosovës. Deri me themelimin e këtij njësiti, ekstradimi i të dyshuarve për në Kosovë ishte kryer nga pjesëtarët e policisë së UNMIK-ut dhe policisë së EULEX-it. 

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)