Prishtinë, 3 maj - Të mërkurën, më 5 maj Komandanti i Forcave të Përbashkëta Aleate të Komandës në Napoli (JFC Naples), Admirali Mark Fitzgerald, do të vizitojë Shtabin qendror të KFOR-it. Pas njoftimit nga Komandanti i KFOR-it, LTG Markus Bentler, të dy Komandantët do të mbajnë konferencë për media, duke filluar në orën 10:10.

Komanda e Forcave të Përbashkëta Aleate në Napoli (JFC Naples) është një nga komandat ushtarake të NATO-s. Komandanti i Forcave të Perbashkëta në Napoli i reporton Komandantit Suprem të Foracve të Përbashkëta për Evropë (SACEUR)
në shtabin Suprem të Forcave të Përbashkëta për Evropë, Casteau, Belgjikë.

Si Komandanti Forcave të Përbashkëta Aleate të Komandës në Napoli, Admirali Fitzgerald ka përgjegjësi operative për misionet e NATO-s në Ballkan, Irak dhe Mesdhe.

Ai mori këto detyra më 30 nëntor 2007.