10 Maj 2021

36% e të anketuarve të pakënaqur me menxhimin e Covid19 nga Komunat

Prishtinë, 11 shkurt - Kosovo Liberal Center në bashkëpunim me Friedrich-Naumann-Stiftung für die Freiheit ka organizuar disktuimin e radhës online me temë: "Pandemia Covid19: Masat e marra nga komunat e Kosovës".

Në këtë diskutim, përfaqesues nga disa komuna të vendit diskutuan për rolin e qeverisë lokale në trajtimin e pandemisë Covid19, duke u përqëndruar në masat e marra nga komunat dhe ato që janë marrë nga organet e nivelit qendror por që implementimi në terren bëhet nga komunat.

Nga Komuna e Prishtinës, asambleisti Sami Boroci  u prezantoi pjesëmarrësve hapat e ndërmarrë nga Komuna e Prishtinës, duke filluar nga “Paketa Ekonomike Prishtina 1” dhe përmbajtja e saj, si dhe të gjitha masat e tjera të aprovuara nga Asambleja Komunale të cilat kanë përjashtuar bizneset nga taksat për përdorimin e hapësirave publike etj.

Ai gjithashtu kishte një fokus të veçantë në ndërmarrjet publike lokale të cilat kanë bërë një punë shumë të mirë gjatë kësaj kohe, duke e bërë më të lehtë zbatimin e masave. Pandemia Covid19 gjithashtu ka zvogëluar investimet kapitale si rezultat i së cilës një pjesë e buxhetit ka për qëllim të mbështesë qytetarët që të përballen më lehtë me pandeminë.

Gjatë diskutimit, këshilltarët komunalë nga komunat e tjera gjithashtu folën për masat e marra nga komunat e tyre dhe sfidat me të cilat përballen komunat gjatë pandemisë.

Kastriot Sh Muçolli  nga Kosovo Liberal Center, prezantoi gjetjet e një pyetësori të organizuar në internet me qytetarë të disa komunave, në lidhje me masat e marra nga tp për menaxhimin e Covid19.

Bazuar në përgjigjet e qytetarëve, ekziston një punë e dobët e komunave në menaxhimin e pandemisë, 36% e të anketuarve u përgjigjën se në komunën ku ata jetojnë masat e marra në luftën kundër Covid19 nuk po japin efekt.

Ndërsa vlen të përmendet se 25% e të anketuarve e konsiderojnë aspak efektive punën e inpsekcionit në komunën ku ata jetojnë.

Lajmi i mirë është se 65.6% e të anketuarve kanë shprehur gatishmëri për të marrë vaksinën anti-covid19.

 

Kalendari

Ngjarjet e datës 9 Maj 2021

- Familja Haliti nga Gjilani mban konferencë për medie lidhur me vdekjen e tre anëtarëve të saj në Shqipëri. (Rr. Hamdi Pogragja, Gjilan, ora 11:00)

- Koordinatori i Qendrës së Vaksinimit në Prishtinë, Niman Bardhi mban konferencë për medie. (Salla “1 Tetori”, ora 12:00)