27 Korrik 2021

KQZ miraton planin operacional për organizimin e zgjedhjeve lokale

Prishtinë, 17 qershor - Komisioni Qendror i Zgjedhjeve (KQZ) mbajti mbledhjen e parë të kryesuar nga kryetari i KQZ-së, Kreshnik Radoniqi.

Në këtë mbldhje të parë pas shpalljes së datës së zgjedhjeve lokale për kryetarë të komunave pdhe për kuvende lokale, KQZ mori vendim për miratimin e planit operacional për organizimin e këtyre zgjedhjeve që do të mbahen më 17 tetor 2021.

Disa nga aktivitetet kryesore të parashikuara me këtë plan operacional janë si në vijim:

Afati për aplikim të subjekteve politike për t’u certifikuar për pjesëmarrje në zgjedhjeve fillon më 17 qershor dhe përfundon më 16 gusht;

Deklarimi i partive politike për pjesëmarrje në zgjedhje përmes Koalicionit fillon më 16 qershor dhe përfundon më 30 qershor;

Dorëzimi i kërkesës në institucione për verifikim të kandidatëve sipas nenit 29 të Ligjit për Zgjedhjet e Përgjithshme fillon më 22 qershor dhe përfundon më 23 gusht;

Vendimmarja e KQZ-së për certifikim të subjekteve politike dhe kandidatëve do të bëhet deri më 1 shtator;

Tërheqja e shortit për renditjen e subjekteve politike në fletëvotim do të bëhet deri më 8 shtator;

Periudha e fushatës zgjedhore fillon më 16 shtator dhe përfundon më 15 tetor;

Afati për aplikim për t’u regjistruar si votues jashtë Kosovës fillon më 10 korrik dhe përfundon më 18 gusht;

Periudha e votimit përmes postës për votuesit e regjistruar suksesshëm si votues jashtë Kosovës fillon më 15 shtator dhe përfundon më 15 tetor;

Periudha e aplikimit për regjistrimin e votuesve të ngujuar në shtëpi fillon më 18 gusht dhe përfundon më 2 tetor;

Periudha për regjistrimin e votuesve me lëvizje të kufizuar në ndonjë institucion fillon më 23 shtator dhe përfundon më 2 tetor;

Periudha për regjistrimin për votuesit me rrethana të veçanta fillon më 23 shtator dhe përfundon më 2 tetor;

Identifikimi i votuesve të infektuar me COVID-19 fillon më 5 tetor dhe përfundon më 14 tetor;

Periudha për ndërrimin e qendrës së votimit brenda komunës fillon më 20 korrik dhe përfundon më 7 shtator;

Periudha e kundërshtimit dhe konfirmimit të listës së votuesve fillon më 24 gusht dhe përfundon më 7 shtator;

Certifikimi i listës përfundimtare të votuesve nga KQZ do të bëhet më 14 shtator;

Emërimi i anëtarëve të Komisioneve Komunale të Zgjedhjeve fillon më 28 qershor dhe përfundon më 30 qershor;

Emërimi i anëtarëve të Këshillave të Vendvotimit fillon më 30 shtator dhe përfundon më 2 tetor;

Afati për aplikim për akreditim të vëzhguesve afatgjatë (për të gjithë procesin zgjedhor) të subjekteve politike dhe të OJQ-ve fillon më 1 korrik dhe përfundon më 15 shtator;

Afati për aplikim për akreditim të vëzhguesve afatgjatë (për të gjithë procesin zgjedhor) ndërkombëtar dhe të mediave fillon më 1 korrik dhe përfundon më 2 tetor;

Afati për aplikim për akreditim të vëzhguesve afatshkurtër (për ditën e zgjedhjeve) të subjekteve politike dhe të OJQ-ve fillon më 30 korrik dhe përfundon më 27 shtator;

Afati për aplikim për akreditim të vëzhguesve afatshkurtër (për ditën e zgjedhjeve) ndërkombëtar dhe të mediave fillon më 30 shtator dhe përfundon më 2 tetor;




 

Kalendari

Ngjarjet e datës 27 Korrik 2021

- Komisioni për Buxhet, Punë dhe Transfere shqyrton Raportin me amendamente për Projektligjin për ndryshimin dhe plotësimin e Ligjit mbi ndarjet buxhetore për Buxhetin e Republikës së Kosovës për vitin 2021. (Ndërtesa e Kuvendit, salla C203, ora 9:45)

- Policia e Republikës së Kosovës organizon ceremoninë e zbulimit të pllakës përkujtimore të zyrtarëve policorë, e cila iu dedikohet zyrtarëve policorë të rënë në kryerje të detyrës “Heronjve të Kosovës”. (Hapësira e jashtme para objektit të Drejtorisë së Përgjithshme të Policisë, ora 10:00)  

- Drejtori i Agjencisë së Kosovës për Inteligjencë, Petrit Ajeti raporton para Komisionit për Mbikëqyrjen e Agjencisë së Kosovës për Inteligjencë (Ndërtesa e Kuvendit, salla N302, ora 10:00)  

- Instituti për Politika Zhvillimore mban konferencën për medie lidhur me përmbylljen e projektit “Barometri i Rimëkëmbjes – për transparencë dhe llogaridhënie” dhe prezantimin e raportit përfundimtar të zbatimit të Ligjit për Rimëkëmbjen Ekonomike – Covid-19. (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Mbikëqyrjen e Financave Publike lidhur me raportin e auditimit të performances “Transparenca dhe llogaridhënia në procesin e financimit të organizatave jo-qeveritare”. (Ndërtesa e Kuvendit, salla N506, ora 10:00)

- Komisioni për Shëndetësi dhe Mirëqenie Sociale takoht me kryetarët e Odave të profesionistëve shëndetësor për të diiskutuar për punën dhe sfidat e Odave të profesionistëve shëndetësor. (Ndërtesa e Kuvendit, salla N303, ora 10:00)

- Kryeshefit Ekzekutiv të Agjencisë së Kosovës për Forenzikë, Blerim Olluri raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N204, ora 10:00)  

- Nën përkujdesin e drejtpëdrejt të Kryegjyshit Botëror Bektashian, Haxhi Dede Edmond Brahimaj, shënohet 231-të i themelimit të Teqesë Bektashiane të Gjakovës. (Teqa Bektashiane në Gjakovë, ora 11:00)

- Misioni i OSBE-së në Kosovë do ta prezantojë edicionin e pestë të Raportit vlerësues të të drejtave të komuniteteve. (Hotel Emerald, ora 11:00)

- Ministrja e Ministrisë së Industrisë, Ndërmarrësisë dhe Tregtisë, Rozeta Hajdari raporton para Komisioni për Ekonomi, Industri, Ndërmarrësi dhe Tregti lidhur me nivelin e zbatimit të ligjit për shoqëritë tregtare. (Ndërtesa e Kuvendit, salla N10, ora 11:00)  

- Organizohet hapja solemne e Dekra Akademie në Gjilan e cila ka hapur dyert e saj për infermierët e licencuar që duan të punojnë në Gjermani. (Tek Rruga e Gjinollëve, nr.83, Gjilan, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë  shqyrton Projektligjin në parim për Mbeturinat nga industritë nxjerrëse të mineraleve, Projektligjin për Mbrojtjen e ajrit nga ndotja, etj. (Ndërtesa e Kuvendit, salla N302, ora 13:00)

- Komisioni për Administratë Publike, Pushtet Lokal, Media dhe Zhvillim Rajonal mban mbledhjen e radhës. (Ndërtesa e Kuvendit, salla 303, ora 14:00)

- Mbahet mbledhja e kryesisë së Kuvendit të Republikës s Kosovës. (Ndërtesa e Kuvendit, salla C301 ora 15:00)