27 Shtator 2022

T'u ndahen mirënjohje Post Mortum

Shkruar nga Ahmet Pllana

Mos t’i harrojmë, t’i kujtojmë dhe t’i nderojmë 9 poetët, Mirko Gashin, Milaim Berishën, Adem Zaplluzhën, Iljaz Prokshin, Halil Kajtazin, Qerim Pllanën, Selman Konjushën, Nexhmi Dibranin dhe Mehmet Zhinipotokun, ish anëtarë të Shoqatës së Shkrimtarëve “Fahri Fazliu” në Kastriot, të cilët nuk janë më fizikisht në mesin tonë, të cilët lanë pas vetes 187 libra autoriale të botuara.  

Mirko Gashi ka të botuara 6 libra me poezi, Milaim Berisha la pa vete 8 libra me poezi, Adem Zaplluzha la pas vetes 120 libra, Iljaz Prokshi ka botuar 13 libra, Halil Kajtazi ka botuar 18 libra, Qerim Pllana ka botuar 11 libra, Selman Konjusha ka botuar 7 libra, Nexhmi Dibrani ka botuar 3 libra me poezi, kurse Mehmet Zhinipotoku ka lënë në dorëshkrim 1 libër, nuk ka arritur ta botonte sa ishte gjallë.

Ideja për një takim evokues dhe ndarje të Mirënjohjeve për poetët që kanë ndërruar jetë është shumë e qëlluar, por kjo ide nuk është realizuar asnjëherë nga Shoqata e Shkrimtarëve “Fahri Fazliu” në Kastriot (Obiliq).  

Shoqata në fjalë asnjëherë nuk u kujtua që me një takim rasti t’i kujtojë ish anëtarët e vet, të cilët kanë ndërruar jetë. Mendoj se kjo është papërgjegjësi dhe neglizhencë.

Do të ishte mirë që nëntë poetët që tashmë nuk janë të gjallë dhe që kanë qenë anëtarë të Shoqatës së Shkrimtarëve “Fahri Fazliu” në Kastriot të kujtohen me një takim poetik, me një numër të vogël të pjesëmarrësve, ku do të evokoheshin kujtimet për poetët, të cilët i kanë të botuara nga disa libra me poezi dhe romane, ndërsa numri i përgjithshëm i librave të tyre arrin në 187 libra.

Prandaj, do të ishte mirë që në një takim poetik evokues, familjeve të poetëve ish anëtarë të SHSH “Fahri Fazliu” në Kastriot, t’u ndahet nga një “Mirënjohje”, post mortum.

Pra, do të duhej që kujtesa dhe nderimi për poetët që kanë ndërruar jetë dhe që kanë qenë anëtarë të SHSH “Fahri Fazliu”, të bëhet sa më parë, por me një numër të vogël, me distancë, me maska, me doreza dhe me dezinfektues për shkak të pandemisë.

Të kujtohen dhe t’u ndahen Mirënjohje post mortum këtyre poetëve: Mirko Gashit, Milaim Berishës, Adem Zaplluzhës, Iliaz Prokshit, Halil Kajtazit, Qerim Pllanës, Selman Konjushës, Nexhmi Dibranit dhe Mehmet Zhinipotokut. 

Kalendari

Ngjarjet e datës 27 shtator 2022  - Ministria e Mbrojtjes dhe FSK organizon Konferencën Vjetore Ndërkombëtare “FSK dhe partnerët 2022”. (Hotel Emerald, ora 9:00)

- Shoqata e Grave në Sektorin e Energjisë së Kosovës me përkrahjen e zyres se Presidentes dhe parnerëve ndërkombëtar organizon Konferencën e parë Rajonale “Energjia & Gratë”. (Hotel Emerald, ora 9:00)

- Komisioni për Çështje të Sigurisë dhe Mbrojtjes shqyrton Projektligjin për Sigurinë Kibernetike, Projektligjin për Mbrojtjen e Informacionit të Klasifikuar, etj. (Ndërtesa e Kuvendit, salla C203, ora 10:00)

 - Koalicioni 27, grupi i organizatave të shoqërisë civile publikojnë raportin “Shkatërrimi ekologjik – Koha të veprojmë”. (Hotel Swiss Diamond, ora 10:00)

- Me rastin e Ditës Ndërkombëtare për Lirinë e Informimit, Agjencia për Informim dhe Privatësi mban konferencë kryetarët e Gjykatave si dhe Prokurorët e Prokurorive të Republikës së Kosovës. (Hotel Emerald, ora 10:15)

-  Komisioni për Ekonomi, Industri, Ndërmarrësi dhe Tregti diskuton mbikëqyrjen e zbatimit të Rekomandimeve të Kuvendit lidhur me auditimin e performances të ndërmarrjes publike KOSTT SH.A. (Ndërtesa e Kuvendit, salla N10, ora 11:00)

- Këshilli i Prindërve të Shkollës Fillore të Mesme të Ulët “Naim Frashëri”, Prishtinë organizon një protestë për të shprehur shqetësimet lidhur me prolongimin e fillimit të mësimit për vitin akademik 2022/2023. (Shkolla fillore "Naim Frashëri" në Prishtinë, ora 12:10)

- Lidhja Demokratike e Kosovës mban konferencë për medie lidhur me grevën në sektorin publik. (Selia qendrore e LDK-së, ora 11:00)

- Instituti Demokraci për Zhvillim organizon sallonin e radhes me temë “Dhuna online ndaj grave në politikë: Çfarë masa mund të ndërmarrim?”. (Libraria Dukagjini, ora 17:00)

- KFOR i udhëhequr nga NATO do të zhvillojë stërvitjen “Golden Sabre”. (Zona stërvitore të Camp Novo Selo)