08 Shkurt 2023

Spitalet të zbatojnë kriteret dhe masat për parandalimin e ndonjë zjarri të mundshëm

Shkruar nga Tahir Ahmeti

Që nga fillimi i pandemisë, zjarret në repartet Covid 19 janë një fenomen i shpeshtë në të gjithë botën.

Sasitë e mëdha të oksigjenit në këto reparte dhe mundësia e rrjedhjes së tij, mund të shkaktojë zjarr që do të kishte pasoja katastrofale.

Mjafton një shkëndijë elektrike dhe zjarri të përhapet me shpejtësi, për shkak të sasisë së lartë të oksigjenit në ajër.

Qendra Kilinike Universitare e Kosovës, por edhe spitalet rajonale në vend, kanë shumë reparte me të sëmurë me Covid 19, andaj si rrjedhojë nëpër ato reparte ka edhe sasi të mëdha të oksigjenit, që janë të domosdoshme për trajtimin e pacientëve.

Kontrollimi i gjendjes së këtyre aparateve me oksigjen, si dhe mënyra e përdorimit të tyre, duhet të jetë permanente dhe strikte, në mënyrë që të parandalohet ndonjë tragjedi e madhe nga zjarret në këto institucione shëndetësore, ashtu siç supozohet që ndodhi ngjarja e fundit tragjike në spitalin e Tetovës.

Gjithashtu, këto institucione shëndetësore, duhet që të bëjnë zbatimin e të gjitha ligjeve në fuqi lidhur me sigurinë në punë, si dhe plotësimim e të gjitha kritereve për mbrojtje nga zjarri dhe masave për parandalimin e zjarreve të mundshme.

/Autori është njohës i çështjeve të emergjencave dhe njëherësh Drejtor Ekzekutiv i Qendrës Kërkimore për Politika të Sigurisë/

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)