24 Korrik 2021

Si tja “futi.”.. ?!

Shkruar nga Zejdush Kastrati


 N.T :Më mirë të vdesësh në këmbë se të jetosh në gjunjë.
                                                              (proverb shqiptar)

Vetëm disa ditë pasi që Pacolli u zgjodh President falë votave të  deputetëve të PDK-së dhe satelitëve të kësaj partie, por edhe  “kontributit” të disa ndërkombëtarëve e në veqanti sms-ve, njëri nga deputetët e PDK-së i cili në opinion  promovohet si “njeri i fjalës  dhe besës” dhe i cili  ia kishte dhënë votën Pacollit gjatë një ndeje tha edhe këtë: ”kurrë nuk e kam ndier vehten më keq se atë ditë kur isha i obliguar tia jap votën Pacollit, dhe më besoni tha ai se  në sallë atë moment  jam ndier shumë keq, më është ngritur temperatura dhe  jam rrëqethë, gjë që ka ndikuar që shokët të cilët i kisha afër veti të më japin kurajo  dhe shpresë për të përballuar situatën” ka rrëfyer mes tjerash ky deputet.

Ai ka shtuar se edhe në burgun e Beogradit” ku ka vuajtur dënimin disavjeqar nuk e ka ndier veten me keq. ”E kam bërë këtë vetëm për të mbrojtë institucionet dhe kam menduar se nuk ka pasur zgjidhje tjetër” ka thënë  deputeti.

Edhe pse  kjo deklaratë e këtij deputeti vërehej se ishte një hipokrizi e llojit të vet , pasi që   ai kishte lobuar edhe te deputetë tjerë që të votonin Pacollin, pasi që  kuptohet kishte marrë  detyrë nga shefi i tij (Hashim Thaqi) për ta kryer një punë të tillë, në pytjen  se  a është penduar për këtë veprim , ai   pa një pa dy u pergjegj:”kurr ma nuk do te veproja kështu, kurrë më nuk do të lëjoja të   bëj dicka  të tillë  dhe për mua kjo është e para dhe e fundit” tha mes tjerash ky deputet  i ilegales.

Tash, kur Gjykata Kushtetuese  konstatoi se me rastin “Pacolli” u shkel kushtetuta, kur pritet që  ceshtja e Presidentit të jetë  pjesë e “lojwrave” te reja  e nw veqanti  kur edhe njw herë PDK-ja është akterja dhe  subjekti politik  nga i cili varet veprimi dhe  qëndrimi i saj për të krijuar nje stabilitet institucional , varet  veprimi  i kwtij deputeti  që njeherë “gaboi” por edhe të tjerëve se si do të sillen karshi shefit të tyre por edhe elektoratit e popullit të Kosovës.

Kush ia “futi” Pacollit...? 

Gjatë gjithë kësaj periudhe te pasluftës në Kosovë jemi dëshmitarë  të  përfoljeve për shumë afera e skandale me të cilat  në shtetin ku funksionojnë ligjet dhe  rregullat demokratike,  e vërteta patjetër duhet te dali në shesh, kurse te ne po ndodhw e kundwrta  dhe  hajnat të thonë “hajna” spiujtë të thonë “spiun” të paditurit të thonë”i  paditur dhe i cmendur”,canaklëpirësit behën institucionaista e kwshilltarw,te pabesët  të bëjnë “të pabesë”, të pamoralshmit të quajnë të “pamoralshëm”.... dhe i vetmi arsyetim dhe”mburrje” për ta është  kur  ”ata” behën bashkë nëpër hotele, restorane, por edhe në institucione, ngrisin dolli me menze e pije qw kuptohet paguhen nga dikush por kurrw nga ata,  rrahin gjoks   e  duke u krekosur për ate cka kanë bërë dhe po bejnë  thonë”Ia ngulëm...”

Por, fatkeqësisht pa përgjithësime, që nga punëtori i nivelit më të ulët, qoftë në institucione shtetërore  apo edhe kompani publike e private , kemi dëgjuar dhe po dëgjojmë shumë shpeshë , kur  X-si   ia futi Y-it.apo kur deputeti ia “futi” deputetit, kur ministri ia “futi” ministrit, kur gjykatësi ia “futi” gjykatësit, kur polici ia “futi” policit, kur mjeku ia “futi” mjekut, kur gazetaruci ia “futi” gazetarit, kur Kryeministri ia “futi” Presidentit, (njeherë Sejdiut e tash edhe Pacollit) Kryeparlamentarit, apo edhe ndonjë tjetri, por  e vetmja që nuk kemi dëgjuar prej se është kryeministër Hashim Thaqi të ja ketë “futur” dikush këtij  përsoni.

Edhe  në politikë behet një lojë  për ta mundur kundërshtarin, në të cilën marrin pjesë shumë akterë  dhe kuptohet ai që e luan më së miri, fiton dhe del i pari, por  si cdo lojë tjetër edhe politika i ka rregullat dhe kriteret, të cilat duhet të respektohen, por sa po arrijmë të vërejmë në Kosovë nuk ka kritere dhe  rregulla  që  të obligojnë ti përfillësh, por i vetmi pikësynim  i politikajwve tanë është “si tia ‘ngulin’ njëri tjetrit”. Pa pardon....

Kur në Kosovë  ambiciet për tu marrë me politikë janë të shumta  dhe me tendencë rritjeje atëherë edhe  sllogani”Si tia “futi’...” si duket do te jetë aktual dhe shumë i preferuar edhe për shumë kohë.
Por një gjë duhet ditur: Kur ia “ngul” dikujt.....”
 

Kalendari

Ngjarjet e datës 24 Korrik 2021

- Demokracia në Veprim mban konferencën për media, ku do të publikohet një vlerësim ex-ante i zgjedhjeve lokale të 17 tetorit 2021, që do të shërbej si dokument avokues për t’a avancuar procesin zgjedhor të 17 tetorit.  (Zyrat e KDI-së, ora 11:00)  

- Kandidati për kryetar të komunës së Pejës, Rrustem Berisha, mban konferencë për medie. (Në qendër të qytetit në Pejë, para Selisë së AAK-së, ora 12:00)

- Në kuadër të aktiviteteve “Ditët e Kulturës dhe Turizmit në Deçan” hapet panairi veror në qendër të qytetit, ku do të marrin pjesë me prezantimin e produkteve të tyre një pjesë e madhe e qyteteve të Kosovës po ashtu komunat: Ulqin , Shkodër , Bajram Curri etj. (Qendra e qytetit te Deçanit, ora 16:00)