29 Mars 2024

Serbia deri të tregu dhe konsumatori i Kosovës me zjarr e vrasje

Shkruar nga Selatin Kaçaniku

Edhe polici i ndjerë Enver Zymberi ishte konsumator. U  vra në detyrë duke ushtruar profesionin me nder, duke u rrezikuar për ta materializuar djersën dhe nderin – për ekzistencën e familjes. Edhe të lënduarit, edhe të plagosurit janë konsumatorë.

Forcat e errëta nga Sërbia trimëruan duart vrastare: Duan me dhunë, me vrasje e me zjarr të “ rimarrin “ tregun dhe konsumatorin e Kosovës. I kanë edhe bashkpunëtorët brënda të cilët akuzojnë e fajsojnë konsumatorin se është i varur nga prodhimet serbe, se i “ mundon “ sentimentalizmi për to?!

Me dhunë e me zjarr, me vrasje, me këtë skenar të përsëritur Sërbia nuk ka as gjasa minimale të “ rimarrë “ tregun as konsumatorin e Kosovës ! Këto veprime dhe pamjet mbi veprimet vandale e shtazarake kanë indinjuar thelle konsumatorin në Kosovë. Konsumatori i Kosovës edhe  një here po bindet se Sërbia, se prodhuesit e saj, njësoj si me këtë rast, janë në gjendje të vrasin të pafajshëm dhe të të detyrojnë të blesh produkte sërbe.

Si në vakt të ex YU ?! Edhe polici i ndjerë Enver Zymberi ishte konsumator dhe e vranë duart e zeza vrastare për ta detyruar të konsumojë prodhime sërbe ?! Kështu, përfundimisht Sërbia dhe prodhuesit nga sërbia vulosën fatin e tyre në raport me tregun dhe me konsumatorin në Kosovë: Sot e tutje çdo konsumator i Kosovës, kur të ndodhet para prodhimeve nga Sërbia, do të përfytyrojë viktimat e luftës, viktimat e luftërave, viktimat e pas luftës dhe viktimën e fundit – Policin e PK-së Enver Zymberin.

Bizneset tregtare, ato importuese, ato që bashkpunojnë dhe mendojnë të vazhdojnë bashkpunimin me bizneset nga Sërbia i këshilloj:

-         Mos ta akuzojnë konsumatorin e Kosovës se janë të varur nga prodhimet sërbe,

-         Mos t ia imponojnë konsumatorit prodhimet serbe, dhe

-         T i largojnë nga ofertat, nga vitrinat, nga tezgat e nga raftet…edhe nga mendja prodhimet nga Sërbia. Se, konsumatori i Kosovës është i mllefosur, është i  indinjuar, është i pikëlluar për vrasjen / ekzekutimin e Policit të PK-së Enver Zymberi, i kujtohen të bëmat historike gjenocidale të Sërbisë ndaj popullit, ndaj qytetarit…ndaj konsumatorit në Kosovë dhe në trojet tjera prej nga është detyruar të ” ndrydhet e të shtrydhet “ në Kosovë dhe reagimet e konsumatorit mund të jenë të pamatura, mund të jenë refleksion i ngacmimit dhe i provokimit, mund të jenë reaksion  i dhembjes…edhe i hakmarrjes ?!

Ndaj, ofertat e këtyre prodhimeve, prania në vitrina, në depo, në tezga e rafte të prodhimeve nga Sërbia mund të merren si provokim i rëndë për konsumatorin pas gjithë këtyre përjetimeve.

Duke njohtuar për frustrimin e konsumatorit ftoj që kjo gjendje shpirtërore, ky  shqetësim, ky indinjim e nënçmim të merret para sysh dhe të mos injorohen ato.  

Jam dëshmitar i kërkesave, i disponimit, i thirrjeve për largimin, për injorimin, për…shkatrrimin e prodhimeve nga Sërbia. Një kërkesë e tillë i është dërguar KONSUMATORIT, më është dërguar mua.

- Po këto biznese i ftoj që menjëherë ti zëvendësojnë këto prodhime me ato vendore ose me prodhimet nga vendet mike të cilat na ndihmuan në luftë për liri, nga shtetet që na strehuan dhe nga shtetet që kanë njohur ose janë në proces të njohjes së pavarsisë së Kosovës.

-  Konsumatorët e Kosovës, si në Kosovë, në Shqipëri e kudo i ftoj  që të jenë të matur, racional dhe të ruajnë gjakftohtësinë e krenarinë. i ftoj konsumatorët që t\'i japin shansin tregtarëve për riorganizim dhe për zëvendësimin e produkteve.

-  I ftoj institucionet e Shtetit të Kosovës, përkundër rrethanave delikate e angazhimeve madhore dhe asociacionet e bizneseve që t i ndihmojnë bizneset importuese e tregtare për t i zëvendësuar prodhimet nga Sërbia me prodhimet vendore dhe me prodhimet nga shtetet mike të Kosovës. 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)