24 Shtator 2021

Pesë vjet pa Rugovën

Shkruar nga Sabri Hamiti


Para pesë vitesh, kur Ibrahim Rugova mbylli sytë në rezidencën e vet, në Velani të Prishtinës, në Kosovë ra gjëma e mpirja. Pak kush e kuptoi, përnjëherë, sa e madhe ishte prania e tij e sa tronditëse do të jetë mungesa e tij në Kosovë.

Tëfillimi  u bë në ditët në vijim.\\

 Rreth një milion qytetarë të Kosovës me orë e me ditë, në dimër e acar, pritën për t’i dhënë lamtumirën prijësit të tyre politik e shpirtëror, krijuesit të Pavarësisë se Kosovës.

Mbi gjashtëdhjetë delegacione shtetërore të kontinenteve e vendeve erdhën për t’i bërë nderimet e fundit bashkëpunëtorit, i cili me kulturë e durim kishte krijuar rrjetin e miqësisë për popullin e vendin e vet, duke u bërë vetë ikona e imazhi i këtij vendi e kësaj miqësie.

Bashkëpunëtorët e tij në Prishtinë, që ishin rritur politikisht pranë tij apo në hijen e tij, gati në belbëzim, thanë frazat e tyre për prijësin e humbur dhe zinë e madhe.

Po, sentimenti i përgjithshëm e arsyeja shtetërore tha që Rugova, edhe një herë, duke shkuar, lëshoi thirrjen e madhe për Kosovën e bashkuar evropiane, duke e lënë këtë trashëgimi në trajtën e testamentit: Kosova e pavarur, e integruar në NATO e në Bashkimin Evropian, në miqësi të përhershme me Shtetet e Bashkuara të Amerikës.

Çka pesë vjet pa Rugovën?

Populli i Kosovës e ruajti dashurinë e adhurimin për prijësin e vet të parë, edhe kur shumë u ngritën ta vënë në hije veprën e tij. Populli e ruajti kujtimin e tij si një ikonë të lirisë, duke e pjesëtuar besimin e vet te trashëgimtarët e tij politikë apo shtetërorë, që morën diçka nga taktikat e tij, pa e kuptuar strategjinë e tij, që kapën ndonjë ide, pa e kuptuar vizionin, duke kapur nga një pjesë, pa e kapur tërësinë e kësaj trashëgimie.

Burrështetasit e huaj, ende të bindur në programin rugovian, kërkuan bashkëpunëtorët e rinj në Kosovë, të cilët, sa nga mosdija e sa nga egoizmi, nuk mbërritën të bëhen bashkëpunëtorë e aleatë të denjë, po, të shpeshtën, vartës përtacë e përsëritës. Në këtë mënyrë Kosova e treti ngadalë imixhin rugovian, për t’u bërë vend që shikohet me dyshime.

 Bashkimi i tij politik, i mbështetur në qëndrueshmëri e në tolerancë,  në kohët më dramatike, nisi të humbë tolerancën e qëndrueshmërinë, në agun e lirisë, atëherë kur provohet me vepër fuqia e karakterit e tundimi i pushtetit. Po ndahemi të bashkohemi sërish, tingëlloi shprehja paradoksale.

Pesë vjet më pas, Kosovës i duhet tepër trashëgimia politike rugoviane, botëkuptimi i tij kulturor e burrështetasit që predikoi e punoi për:

Udhëheqje që del nga vota e lirë, Përgjegjës i lartë dhe etikë politike, Ruajtje  të vlerave autentike në sprovimet aktuale, Liri të individit e të kolektivitetit, Përjashtim të dhunës në zgjidhjet sociale e politike, Diskutim alternativash pa humbur interesin kombëtar, Raporte besimi e bashkëpunimi me aleatë të Kosovës.

Një Kosovë në paqe me veten dhe e nderuar nga të tjerët, mbetet vizioni i Presidentit historik të Kosovës, Dr. Ibrahim Rugovës. Ky është vizion për Kosovën, për shqiptarët e për raportet e tyre me të tjerët, në fqinjësi e më gjerë.

Lavdi atij që jeton gjithmonë!

Kalendari

Ngjarjet e datës 24 Shtator 2021 - Komisioni për Integrim Evropian shqyrton Programin Kombëtar për zbatimin e Marrëveshjes së Stabilizim- Asociimit 2021-2025, i ftuar Besnik Bislimi, zëvendëskryeministër i parë për Integrim Evropian, Zhvillim dhe Dialog. (Ndërtesa e Kuvendit, salla N204, ora 9:00)    

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione rishqyrton planin e punës për sesionin vjeshtor 2021. (Ndërtesa e Kuvendit, salla N302, ora 10:00)

- Kandidatit të PDK-së për komunën e Prizrenit, Shaqir Totaj viziton KF “Liria”  dhe me pas KF “Prizreni” . (Stadiumi i Prizrenit, ora 10:30)

- Kandidati për Kryetar të Prishtinës, Uran Ismaili do të mbaj sot konferencë për media. (Te Deponia Ilegale e mbeturinave, afër Tauk Bahçes, ora 14:00 - mediat i presim në udhëkryqin e Tauk Bahçes, te rruga e Bledit, nga ora 13:40)

- Kandidati për kryetar të Komunës së Malishevës, Ekrem Kastrati, sot mban takim elektorale me strukturat e rinisë së degës së Nismës në Malishevë. (Stadiumi “Liman Gegaj” në Malishevë, ora 14:00)

 - Kandidatit të PDK-së për komunën e Prizrenit, Shaqir Totaj bashkë me Kryetarin e PDK-së, Memli Krasniqi viziton Bashkësinë Islame në Prizren. (Prizren, ora 14:15)

 - Kandidatit të PDK-së për komunën e Prizrenit, Shaqir Totaj shpalos programit për arsim. (Qendra Europa, në Plato, ora 16:00)

- Mbahet dita e dytë e Kongresit të Parë Klinik i Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)