Shkruar nga Selatin Kaçaniku

Për pesë vite angazhimesh të pandërprera Konsumatori rregulliht ka ftuar partite politike, institucionet, asociacionet…që “Në partneritet t’i identifikojmë e zgjedhim problemet”.

Tre vite më pare kërkoi nga Qeveria e Kosovës që tregun e Sërbisë ta shpallë treg jo serioz dhe jo të sigurtë; Vitet 2010 e 2011, i shpalli për Vit të patriotizmit ekonomik Konsumatori kërkoi edhe themelimin e Ministrisë për mbrojtjen e konsumatorit: Kërkoi zbatimin e ligjeve e të standardeve për më shumë të drejta, interese e dinjitet…Por, deri më sot asnjë jehonë, asnjë reagim, asnjë përkrahje, asnjë shprehje sensi ja interesimi për Kauzën e Konsumatorit?!

Medikamentet nga Sërbia “ importohen “ pa Çertifikatën përcjellëse, që don të thotë se importin e tyre, pa asnjë garancë, e legalizon Shteti i Kosovës ?!

As artikujt tjerë që importohen nga Sërbia, në veçanti artikujt usdhqimor nuk garantojnë të drejtat, intereset e as dinijtetin e konsumatorit të Kosovës sepse Sërbia nuk e njeh dhe nuk e pranon as Kosovën as të drejtat e intereset tona të konsumatorëve të Kosovës – të garantuara me Ligj por që, për fat të keq, këtu nuk garantohen as ligjet e Kosovës?!

Nëse kësaj ia shtojmë faktet për dyshimet që në Sërbi linjat e posaçme prodhojnë për konsumatorët e Kosovës me qëllime të veçnta: Për dëmtimin e shëndetit, për rrezikimin e jetës dhe për uljen e natalitetit të konsumatorëve të Kosovës; Për pengimin e zhvillimit ekonomik të Kosovës, të bizneseve e të prodhimeve me subvencionimin e eksportit të prodhimeve me çmime damping; Për krijimin e varshmërisë së përhershme të Kosovës nga Sërbia; Për thithjen e mbi 500 MLN €/vit të parave të gatshme me të cilat do të finansojë Pushtetin illegal të Sërbisë në Anën Veriore të Kosovës – atëherë çdo gjë është edhe më e qartë?!

Sërbia shkakton rrëmuja për të eksportuar kriza nga natyrat e trajtat më të ndryshme në Kosovë; Për të përkrahur kriminalitetin, mafiozitetin, për monopilizimin, për të penguar zëvendësimin e prodhimeve nga Sërbia me prodhimet vendore e me ato nga vendet mike e me cilësi dhe çmime më konkurruese – dhe me qëllime të caktuara...përfituese e politike ?!

E përshëndetëm vendimin e Kuvendit të Kosovës, të dates 07,12.2011, për reciprocitetin me Sërbinë. Por u befasuam me qëndrimin e Qeverisë së Kosovës e cila këtë vendim e quajti Jo obligativ?!

Ndaj i sygjerojmë Qeverisë, në veçanti MPB-së dhe PK-së ( që na befasuan me kërcënimet, me arrogancën e tepruar dhe me mungesën e sensit për të drejtat e konsumatorit si dhe për obligimet ndaj tij si taksapagues dhe finansues e detyrëdhënës i tyre ), por edhe  Prokurorisë…që ta lexojnë e konsultojnë Kushtetutën, Ligjin për mbrojtjen e konsumatorit, Ligjin mbi standardet dhe ligjet tjera që i rregullojnë të drejtat, intereset dhe dinjitetin e konsumatorit: Sepse ato, konsumatorit të Kosovës, i garantojnë ushqim ( furnizim ) të shëndetshëm, të sigurtë, me cilësi të rregulluar me standarde e me çmime konkurruese.

Dhe, nëse Shteti me institucionet e me mekanizmat që i ka nuk është në gjendje të përmbushë këtë obligim Kushtetues e Ligjor  atëherë i  mbetet popullit, qytetarit, shtetasit…konsumatorit që me lobim, me vetëdijësimin e institucioneve e të zyrtarëve…

Edhe me protesta e me pamundësin e rrugëve për rrezikimin e shëndetit të jetës, por edhe të drejtave tjera, të intereseve dhe të dinjitetit tone, të bëjmë zgjedhje e të vetëmbrohemi.

Të gjitha “ Raportet e progresit “  deri më tani dëshmuan se në fushën e mbrojtës së Konsumatorit nuk është shënuar progres. As sivjet nuk ka simptome se do të jetë më mire. Kështu, konsumatori taksapagues e gjenerues kryesor i Buxhetit të Kosovës ndjehet tejet I ofenduar dhe I diskriminuar dhe i detyruar që, për here të pare, t i kërkojë të drejtat në rrugë e në kufi ?!

Së këndejmi, duke pasur parasysh të gjitha të cekurat, Konsumatori  ka vendosur t i përkrahë të gjitha vendimet, angazhimet, organizimet e veprimet në drejtim të mbrojtjes së të drejtave, intereseve dhe dinjitetit të konsumatorit të Kosovës.

Në këtë kontekst, më 14. janar, 2012. Konsumatori dhe konsumatori i Kosovës do   t i bashkangjitet konsumatorëve nga Vetëvendosja në mbrojtje të Kuvendit të Kosovës; Në kërkim që Kuvendi i Kosovës të mbrojë Kushtetutën dhe ligjet që i miratoi vet në të mirën dhe interesin tone – interesin e konsumatorit; Me kërkesë që Kuvendi i Kosovën ta disiplinojë Qeverinë e Ministritë në drejtim të angazhimit rreth kauzës së konsumatorit konform ligjeve! Konsumatori kërkon nga Kuvendi i  Kosovës që ta disiplinojë Qeverinë, e në veçanti MPB-në që  mos ta keqpërdorë PK-në dhe mos ta instrumentalizojë për qëllime politike e kundër vullnetit të popullit, qytetarit, shtetasit…konsumatorit ( klientit e palës së tyre ).

Konsumatori i Kosovës duhet t i kërkojë por edhe të veprojë në drejtim të realizimit të të  drejtave, intereseve dhe të dinjitetit të vet.

Në këtë drejtim konsumatori duhet t i mësojë, t jua bëj me dije, t i njohtojë edhe partite, edhe institucionet, edhe asociacionet, edhe…të gjithë t i njohtojë se cilat janë të drejtat ligjore të cilat instiston t i mbrohen, se cilat janë inereset në të cilat ka të drejtë dhe cili është dinjiteti të cilin nuk ka të drejtë t ia shkelë: As Shteti ?!

Çdo konsumator i Kosovës e ka vendin aty ku mbrohen të drejtat, intereset dhe dinjiiteti i  Tij - Dinjiteti Ynë, përderisa ato nuk ia mbronë Shteti i Kosovës me institucionet e me mekanizmat që “ e kanë hupë udhën n oborr “?!

Edhe më 14.janar,2012. në Merdar e Dhe të Bardhë. Konsumatori në mbrojtje të kauzës së Konsumatorit.