05 Tetor 2022

Më mirë vonë sesa shumë vonë, Varhelyi

Shkruar nga Ekrem Krasniqi

Për arsye ende të paqarta Komisioni Evropian (EC) dhe 27 vendet e Bashkimit Evropian nuk i patën përfshirë gjashtë vendet e Ballkanit Perëndimor, dhe 17.77 milion banorë të rajonit, në listën e marrëveshjeve të para me ndërmarrjet farmaceutike për blerjen e vaksinave anti-COVID-19 vitin e kaluar.

Vendim-marrësit e Bashkimit Evropian, kishin bërë marrëveshje në atë kohë vetëm për 447,7 milion banorët e tyre.  

Askush ne BE, nuk ka shpjeguar deri më sot shpjeguar në mënyrë të qartë se pse dhe si ndodhi ashtu në 2020.  

Asnjë nga zyrtarët e BE-së në Bruksel ose zyrtarët në kryeqytetet tjera nuk e morën përgjegjësinë se si banorët e Shqipërisë, Bosnjë e Hercegovinës, Kosovës, Malit të Zi, Maqedonisë së Veriut dhe të Serbisë, u anashkaluan për vaksinat që u blenë vitin e kaluar nga blloku evropian.  

Disa në Bruksel do të thonë se kështu ndodhi për shkak të disa rregullave të politikave të BE-së dhe rregulloreve të saj, se ka qenë e pamundur për Komisionin Evropian që të negociojë dhe të blejë vaksina për shtete të treta.  

Por, kjo ishte vitin e kaluar. Gjërat ndryshuan këtë vit.  

Pas disa kontingjenteve vaksinash dërguar përmes rrjetit COVAX, e cila është bashkë-themeluar dhe bashkë-financuar nga BE, më shumë se 600,000 vaksina filluan që të dërgohen në rajon këtë javë, të negociuara dhe të paguara nga vet BE.  

Komisioni Evropian dhe Austria e bënë punën kësaj here, këtë vit.   

Tingëllon sikur disa në Bruksel dhe disa kryeqytete të tjera e kuptuan gabimin e vitit të kaluar. A ndryshoi qëndrimi i BE-së këtë vit për shkak se vaksinat Kineze dhe Ruse filluan që të bëhen shqetësuese për vaksinat e tjera të tregut në rajon ? Ndoshta është kështu.  

Por kush shqetësohet se çfarë është arsyeja e vërtetë që BE e ndezi motorin tash dhe vaksinat erdhën ?

Kosova ishte dhe është shteti i vetëm në rajon, që ka vuajtur dhe rrezikuar për shkak të pozicionit të saj kundër vaksinave Ruse dhe Kineze:  

“Vaksina të perëndimit, ose asnjë vaksine”, vendosën krerët e Kosovës.  

Kosova, shteti më i izoluar nga BE dhe më i varfëri në Kontinentin Evropian e bëri një bast të rrezikshëm shëndetësor kësaj radhe.  

4680 doza të vaksinës Pfizer/BioNTech të negociuara dhe të financuara nga BE, arritën dje në Prishtinë.  

Oliver Varhelyi është sot atje që të tregojë se si BE kujdeset për banorët e rajonit dhe të Kosovës.  

Më mirë vonë sesa shumë vonë, Z. Oliver Varhelyi. Të lumtë Austria, gjithashtu.  

(Autori është themelues i agjencisë së lajmeve dtt-net.com për çështje të Ballkanit Perëndimor-BE)  

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)