05 Dhjetor 2022

Kur poetja është vetvetja në rrugëtimin poetik

Shkruar nga Ahmet Pllana

Doli nga shtypi libri me poezi me titull “Ngadhënjim dashurie” i poetes nga Korça, Shqiponja Panajoti.

Poetja Panajoti në krijimtarinë e saj poetike e zë hapin e kohës dhe përpiqet që të krijojë poezi moderne.

Ajo edhe ia arrin qëllimit, sepse është kreative dhe këmbëngulëse në qëllimet e saj, në perfeksionimin e rrugës poetike të nisur kaherë.

Pas librit të parë të botuar  me poezi me titull “Fjalë Zemre” e botuar në vitin 2017, poetja Panajoti pas tre vjetësh del me librin e dytë me poezi me titull “Jam Shqiponjë” në vitin 2020.

Ajo arriti që pas librit të dytë pas dy vjetësh, pra në këtë vit (2022) të botojë librin e tretë me radhë me poezi me titull “Ngadhënjim Dashurie”, redaktore dhe recensente e të cilit është poetja Emrije Krosi, kurse lektor Ahmet Pllana.

Në librin e tretë vërehet arritshmëria e artit poetik dhe rrugëtimi në këtë drejtim drejt një niveli më të lartë të artit.

Sidomos këtë e arrin me poezitë e dashurisë që kryesisht e përbëjnë këtë libër, i cili edhe e mbanë titullin “Ngadhënjim Dashurie”, i cili libër ka mjaft poezi të bukura dhe fatmirësisht e pa dritën.

Poetja pos poezive të dashurisë dhe poezive të përkushtimit, i kushton poezi bashkëudhëtarit të jetës, Piros, por edhe dashurisë njerëzore që e përshkon imagjinata dhe syçeltësia poetike e fokusuar në art, përmbajtje, ritëm dhe muzikalitet.

Ja sa bukur e shpreh dashurinë poetja përmes poezisë.

Imazhi yt vjen n’shtratin tim,
si një rreze hëne,
më përkëdhel,
jetoj me ëndrrat e tua…!

Ose edhe në vargjet tjera:
Kur n’ëndrrat e mia vjen ti,
I bashkoj lumenjtë,
detet e malet, rrugët i shkurtoj,
vetëm pak kohë të jem pranë teje,
dhe natën do ta bëj ditë!

Poetja Panajoti shkruan bukur, me stilizim dhe mundohet t’u ikë shablloneve e sidomos përngjasjes së prozës. Megjithatë, akoma mbetet për t’u dëshiruar ikja nga ky shabllonizim.

Sido që të jetë Panajoti ka imagjinatë dhe dell poetik, meqë e don poezinë me synim që të arrijë të dëshiruarën e saj në këtë lloj të artit.

Ajo angazhohet në pozitivitet dhe kreativitet për jetësimin e ëndërrave sublime imagjinare dhe sensibilizimin e lexuesve për jetë më të mirë dhe qasje të drejtë mbi jetën, me dashuri në radhë të parë ndaj familjes, fqinjve, miqve dhe të tjerëve.

Pra, poetja përmes dashurisë njerëzore jep mesazhe për ta dashur njëri tjetrin, sepse vetëm kështu arrihen sukseset në jetë.

Poetes Shqiponja Panajoti i urojmë rrugëtim të mbarë në krijimtarinë letrare, duke arrirë suksese të mëtejme me botimin e librave të rinj.                                    

 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)