28 Tetor 2021

Janjiq vepro për të ardhmen, mos nxit urrejtje

Shkruar nga Adem Lushaj

Fushata e Sava Janjiqit kundër institucioneve të Deçanit, është fushatë kundër interesave të qytetarëve dhe të zhvillimit ekonomik të komunës sonë, gjë që nuk shkon në favor të së ardhmes së tij.

Përkundrazi, kjo fushatë do jetë zhgënjyese për të. Janjiq, me deklaratat tij urrejtëse, nuk do të ndërton të ardhme.

Ai, duhet ta di se e ardhmja nuk ndërtohet duke thënë të pavërteta për Deçanin, për qytetarët e kësaj komune.

Edhe pse me vite, ky po e pengon zhvillimin ekonomik, deçanasit e kanë ruajtur durimin, duke mos vënë në dyshim asnjëherë respektimin e objekteve kulturore, fetare, e mbi gjitha respektin ndaj qenieve njerëzore, pa dallim feje, race apo nacionaliteti.  

Deçanasit nuk janë, e asnjëherë nuk ishin, kundër manastirit të Deçanit si monument fetar dhe kulturor. Por, kundër politikës që përdoret në dëm të qytetarëve, në dëm të zhvillimit ekonomik.

Nuk është e vërtetë se deçanasit kundërshtojnë vendimet e institucioneve të saja, qofshin gjyqësore apo të llojit tjetër.

Përkundrazi, qytetarët e kësaj komune janë ata që kërkojnë respektimin e ligjeve të këtij shteti. Qytetarët e Deçanit, nuk janë ata që pretendojnë tokat e manastirit, por manastiri është duke pretenduar t'i marrë pronat tona.    

Kleriku Sava Janjiq, duhet të hiqni dorë nga propagandat e rrejshme të cilat nxisin urrejtje. Propagandat e tilla nuk i bëjnë nder askujt, aq më pak ju, si "njeri i fesë".

Manastiri i Deçanit, duhet të funksionoj sipas misionit të tij fetar, duke hequr dorë nga pretendimet uzurpuese, të heq dorë nga pengimi i lirisë së lëvizjes dhe zhvillimit ekonomik të kësaj komune.

Përkundër asaj, nëse jeni "shërbyes fetar" apo " njëri i politikës, por i fshehur nën petkun klerik", është njerëzore që të respektosh vullnetin qytetar, t'i respektoni banorët dhe institucionet e kësaj komune, duke u bërë pjesë e zhvillimeve për një të ardhme, pa urrejtje dhe të qëndrueshme ekonomikisht e politikisht.  

Është koha e fundit që institucionet ndërkombëtare e vendore, t'i thonë këtij njeriu të "zotit", se manastiri i Deçanit, ishte dhe do mbetët i deçanasve, si një monument kulturor dhe fetar.

Sava Janjiq, duhet që t’iu ofrohet deçanasve, duke kërkuar falje dhe shprehë keqardhje për të gjitha viktimat, për të gjitha krimet, për gjitha të bëmat kriminale të ardhura nga kriminelët e nacionalitetit të tij. Janjiq, duhet të kërkon falje për këto vite, që nuk ka lejuar shfrytëzimin e resurseve turistike të Deçanit. Janjiq, duhet të ndjehi fajtor për pengimin që i bëni zhvillimit të Deçanit.

Sava Janjiq, së bashku me të tjerët, duhet të përulet para bukurive natyrore që i shkatërroi, me ndërtimin e hidrocentralit i cili është vetëm për interesat e manastirit, e assesi për interes të zhvillimit të qëndrueshëm.  

Janjiq, vepro për të ardhmen! Mos nxisni urrejtje...!

/Autori eshte drejtor i “Shoqata e Intelektualëve të Pavarur” në Deçan/

Kalendari

Ngjarjet e datës 28 Tetor 2021

- Fillon administrimi i vaksinës kundër gripit sezonal. (Salla 1 Tetori nga ora 08:00 deri në ora 19:00)

- Kryeministri Albin Kurti, bashkë me Ministrin e Financave, Punës dhe Transfereve, Hekuran Murati, mbajnë konferencë për media, në lidhje me operacionalizimin e masës 2.1-Subvencionimi i Kredive Investive - dhe masës 2.4 - Mbështetje e eksportit- të Pakos së Ringjalljes Ekonomike. (Ndërtesa e Qeverisë (Salla P38), ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Ndërtesa e Kuvendit, salla N302, ora 10:00)

- Kryetari i Bashkësisë Islame të Kosovës, Myftiu Naim Tërnava do ta pres një delegacioni të lartë nga Mbretëria e Arabisë Saudite, i kryesuar nga Shkëlqesia e Tij, Dr. Abdul-Latif bin Abdul-Aziz Al Shejkh, Ministër i Çështjeve Fetare në Mbretërinë e Arabisë Saudite. (Selia e Kryesisë së BIK-ut, ora 10:00)

- Komisioni Qendror i Zgjedhjeve shpall rezultatet përfundimtare të raundit të parë të Zgjedhjeve për Kryetarë të Komunave. (Ndërtesa e KQZ-së, Kati 4, ora 10:00)

- Kolegji AAB organizon mbledhjen Komemorative me rastin e kalimit në amshim të Burbuqe Berisha. (Teatri AAB “Faruk Begolli” në Kolegjin AAB, ora 10:00)

- Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla N10, ora 11:00)

- Komuna e Prishtinës inauguro Qendren e re e të Moshuarve në lagjen Ulpianë. (Rr. Imzot Nikë Prelaj, E30, Ulpianë mbrapa pompës Exfis, ora 11:00)

- Punëtorët e Ferronikelit protestojnë para Qeverisë së Kosovës. (Objekti i Qeverisë, ora 11:30)

- Mbahen homazhet për të ndjerën Burbuqe Berisha. (Përpara Teatrit Kombëtar, ora 12:00)

- Kryeministri Kurti dhe Ministri i Financave, Punës dhe Transfereve Hekuran Murati vizitojnë Administratën Tatimore të Kosovës. (ATK, kati I, ora 13:30)

- Hapet edicioni i 12 i Festivalit të Filmit të Shkurtër "Ballkani Përtej Kufijve. (Kino Armata)

 

- Kryetari i Komunës së Prizrenit, njëherësh kandidat për kryetar të Prizrenit nga Lëvizja Vetëvendosje!, prof. dr. Mytaher Haskuka, do të mbajë konferencë për media. (Zyret e Lëvizjes në Prizren, ora 16:00)