27 Korrik 2021

Nisin ditët e gjuhës gjermane në Kosovë

Prishtinë, 15 qershor - Sot Ambasadat e Gjermanisë, Austrisë dhe Zvicrës sërish së bashku me partnerë të shumtë i hapin Ditët e gjuhës gjermane në Kosovë. Ditët e gjuhës gjermane tashmë shënojnë një traditë të gjatë në Kosovë.

Me rastin e hapjes Ambasadori Jörn Rohde tha se gjuha gjermane po bëhet gjithnjë e më e rëndësishme edhe për ekonominë në Kosovë dhe marrëdhëniet ekonomike me rajonin gjermanofolës dhe me këtë edhe për perspektivën profesionale në Kosovë.

"Kosova gjithnjë e më shumë po zhvillohet drejt të qenit një vend aktraktiv i investimeve për ndërmarrje nga rajoni gjermanofolës – edhe për faktin se në Kosovë flitet aq mirë gjermanishtja."

"Gjuha gjermane i lidh të tri vendet tona me Kosovën dhe këtë duam ta festojmë në dy javët e ardhshme. Unë i ftoj të gjithë të interesuarit që të na bashkohen në këtë festë!“, theksoi Rohde.

Ambasadori Christoph Weidinger nënvizoi: „Një nga avantazhet e Ditëve të gjuhës gjermane është që përmes programit të larmishëm që e kanë përgatitur vendet tona, gjuha përjetohet duke u shpalosur nga disa anë. Në veçanëti i gëzohem pikërëndesës së filmave. Të përfaqësuar janë të gjithë, nga filmat për fëmijë, filmat klasikë e deri tek filmat më aktual austriakë.“

Ambasadori Thomas Kolly theksoi: „Diaspora kosovare luan një rol të rëndësishëm që gjuha jonë e përbashkët, vlerat dhe kultura në rajonin gjermanofolës, të promovohen brenda Kosovës.“

Nga 15 deri më 26 qershor 2021 do të zhvillohen aktivitete të shumëta, të gjitha rreth gjuhës gjermane: filma gjermanofolës nga Gjermania, Austria e Zvicra janë planifikuar të shfaqen nën qiellin e hapur dhe në Autokino, si dhe një piknik letrar në të cilin mund të merr pjesë secili.

Janë bashkuar gjithashtu edhe shumë radiostacione dhe gjatë kësaj kohe do të ofrojnë më shumë muzikë gjermane.

Veç kësaj, sërish do të mbahen sesione informative rreth gjuhës gjermane në Kosovë. Informacione do të ofrohen edhe për mundësitë e mësimit të gjuhës gjermane, apo të ballafaqimit me të në nivel të arsimit të lartë.

Në Universitetin e Prishtinës do të prezantohet programi i ri “Gjermanishtja si gjuhë e huaj”.

Përveç kësaj, do të mbahet edhe një sesion informues virtual rreth studimeve dhe kërkimeve shkencore në rajonin gjermanofolës, si dhe një tryezë diskutimi lidhur me rëndësinë e gjuhës gjermane në punësim dhe marrëdhëniet ekonomike me rajonin gjermanofolës.   

Kalendari

Ngjarjet e datës 27 Korrik 2021

- Komisioni për Buxhet, Punë dhe Transfere shqyrton Raportin me amendamente për Projektligjin për ndryshimin dhe plotësimin e Ligjit mbi ndarjet buxhetore për Buxhetin e Republikës së Kosovës për vitin 2021. (Ndërtesa e Kuvendit, salla C203, ora 9:45)

- Policia e Republikës së Kosovës organizon ceremoninë e zbulimit të pllakës përkujtimore të zyrtarëve policorë, e cila iu dedikohet zyrtarëve policorë të rënë në kryerje të detyrës “Heronjve të Kosovës”. (Hapësira e jashtme para objektit të Drejtorisë së Përgjithshme të Policisë, ora 10:00)  

- Drejtori i Agjencisë së Kosovës për Inteligjencë, Petrit Ajeti raporton para Komisionit për Mbikëqyrjen e Agjencisë së Kosovës për Inteligjencë (Ndërtesa e Kuvendit, salla N302, ora 10:00)  

- Instituti për Politika Zhvillimore mban konferencën për medie lidhur me përmbylljen e projektit “Barometri i Rimëkëmbjes – për transparencë dhe llogaridhënie” dhe prezantimin e raportit përfundimtar të zbatimit të Ligjit për Rimëkëmbjen Ekonomike – Covid-19. (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Mbikëqyrjen e Financave Publike lidhur me raportin e auditimit të performances “Transparenca dhe llogaridhënia në procesin e financimit të organizatave jo-qeveritare”. (Ndërtesa e Kuvendit, salla N506, ora 10:00)

- Komisioni për Shëndetësi dhe Mirëqenie Sociale takoht me kryetarët e Odave të profesionistëve shëndetësor për të diiskutuar për punën dhe sfidat e Odave të profesionistëve shëndetësor. (Ndërtesa e Kuvendit, salla N303, ora 10:00)

- Kryeshefit Ekzekutiv të Agjencisë së Kosovës për Forenzikë, Blerim Olluri raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N204, ora 10:00)  

- Nën përkujdesin e drejtpëdrejt të Kryegjyshit Botëror Bektashian, Haxhi Dede Edmond Brahimaj, shënohet 231-të i themelimit të Teqesë Bektashiane të Gjakovës. (Teqa Bektashiane në Gjakovë, ora 11:00)

- Misioni i OSBE-së në Kosovë do ta prezantojë edicionin e pestë të Raportit vlerësues të të drejtave të komuniteteve. (Hotel Emerald, ora 11:00)

- Ministrja e Ministrisë së Industrisë, Ndërmarrësisë dhe Tregtisë, Rozeta Hajdari raporton para Komisioni për Ekonomi, Industri, Ndërmarrësi dhe Tregti lidhur me nivelin e zbatimit të ligjit për shoqëritë tregtare. (Ndërtesa e Kuvendit, salla N10, ora 11:00)  

- Organizohet hapja solemne e Dekra Akademie në Gjilan e cila ka hapur dyert e saj për infermierët e licencuar që duan të punojnë në Gjermani. (Tek Rruga e Gjinollëve, nr.83, Gjilan, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë  shqyrton Projektligjin në parim për Mbeturinat nga industritë nxjerrëse të mineraleve, Projektligjin për Mbrojtjen e ajrit nga ndotja, etj. (Ndërtesa e Kuvendit, salla N302, ora 13:00)

- Komisioni për Administratë Publike, Pushtet Lokal, Media dhe Zhvillim Rajonal mban mbledhjen e radhës. (Ndërtesa e Kuvendit, salla 303, ora 14:00)

- Mbahet mbledhja e kryesisë së Kuvendit të Republikës s Kosovës. (Ndërtesa e Kuvendit, salla C301 ora 15:00)