24 Maj 2022

VV kërkon të ndalen ndërtimet pa leje

Prishtinë, 12 nëntor - Qendra e Lëvizjes Vetëvendosje! në Prishtinë mbajti sot konferencë për media në lidhje me qeverisjen në Komunën e Prishtinës që ka përmbysur për të keq frymën e madhe të ndryshimit, transparencën dhe bashkëpunimin me qytetarët.

Deputeti i Lëvizjes dhe ish-drejtori i Drejtorisë së Inspekcionit, Salih Zyba, foli për shpresën që u krijua në Prishtinë në vitin 2013 dhe luftën që u bë ndaj krimit të organizuar.

''Ndryshimet e sjellura, që me qeverisjen e mirë të Lëvizjes Vetëvendosje! në Komunën e Prishtinës, u vërejtën menjëherë. Sidomos, transparenca, guximi dhe veprimi për ta ndalur degradimin e mëtutjeshëm urban të Prishtinës. Falë kësaj dhe shumë punëve të tjera, Lëvizja u dyfishua me vota, ndërsa në zgjedhjet lokale i fitoi edhe dy komuna tjera dhe e rifitoi Prishtinën'', tha Salih Zyba.

Ai poashtu theksoi edhe heqjen dorë të Shpend Ahmeti nga zbatimi i programit, zotimeve para qytetarëve e votuesve të Lëvizjes dhe të tij personalisht, që i dhanë besimin për të qeverisur mirë.

Ndërkaq asambleisti i Lëvizjes në Prishtinë, Abër Vokrri, foli në njërën anë për sfidat dhe punët të cilat ishin bërë për të lehtësuar jetën e qytetarët dhe ndaluar të keqën në bashkëpunim të ngushtë me qytetarët, kurse në anën tjetër, foli për degradimin e qeverisjes së Shpend Ahmetit në të gjitha drejtimet, madje duke lejuar edhe ndërtimet pa leje.

''Sot jemi deshmitarë se po ndodhë e kundërta. Numri i ndërtimeve në qytet sa vjen shtohet ndërkohë që mungojnë publikimet e lejeve si në portalin e Komunës ashtu edhe nga vetë ndërtuesit, pra kemi rënie apo humbje të plotë të transparencës. Që nga maji i këtij viti, që prej 6 muajsh, nuk është publikuar asnjë leje në web-faqen e Komunës, anipse ky është obligim ligjor. Kur i kemi parasysh këto dy fakte, ka bazë të dyshohet për një fenomen korruptiv, me tentim të fshehjes. Në Komunën e Prishtinës po ndërtohet pa leje. Në qeverisjen komunale të Prishtinës mungon transparenca.'', tha Arbër Vokrri.

Në këtë drejtim asamblesiti Vokrri permendi shembullin e ndërtesës së investitorëve te “Albi Commerce”, e cila njihet si Albi Mall në Veternik. Investitorët viteve të kaluara janë pajisur me leje për ndërtim e rimodelim të objektit me anekset e tij.

 Por një pjesë e madhe e ndërhyrjeve duke përfshirë edhe intervenime në strukturë arkitekturale, në pjesën më të dukshme, në pjesën ballore të objektit, janë bërë komplet pa leje.

Lëvizja Vetëvendosje! vazhdimisht po informohet nga nga qytetarët për ndërtime pa leje që po zhvillohen gjithandej në qytet dhe për të gjitha këto jemi duke mbledhur deshmi.

"Ne i inkurajojmë ata dhe palët e interesuara që të vazhdojnë të na informojnë për çdo lloj shkelje dhe i bëjmë thirrje prokurorisë dhe organeve kompetente që ta trajtojnë këtë rast dhe rastet e ngjajshme." 

Kalendari

Ngjarjet e datës 25 maj 2022

- Instituti Demokratik i Kosovës mbanë diskutimin publik me temën “Raportet Kosovë-Serbi: Tabelat e veturave dhe një Dialog që nuk po lëvizë!” një diskutim i përbashkët i përfaqësuesve të shoqërisë civile me pjesëmarrës nga politika, mediat dhe përfaqësuesit e misioneve ndërkombëtare në Kosovë. (Hotel Sirius, ora 9:30)  

- Komisioni për Buxhet, Punë dhe Transfere, shqyrton raportin vjetor financiar të Agjencisë për Informim dhe Privatësi për vitin 2021, Projektligjin për plotësimin dhe ndryshimin e Ligjit për Fondet Pensionale të Kosovës, etj. (Kuvendi i Kosovës, salla C203, ora 10:00)

- OJQ "Iniciativa për Drejtësi dhe Barazi - Inject" organizon konferencën përmbyllëse  të Projektit me titull “Sigurimi i të Drejtave Pronësore të Grave përmes rritjes së Kapaciteteve Institucionale në Kosovë”.  (Hotel Emerald, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, diskuton për zbatimin e Ligjit për Mbrojtjen e Fëmijës. (Kuvendi i Kosovës, salla N302, ora 10:00)

- Kryetari i Komunës së Prizrenit, Shaqir Totaj, pret në takim Christopher Hyland, kontribues në Pavarësinë e Kosovës në SHBA-të dhe në prezantimin e shtetit tonë te ish-presidenti amerikan Bill Clinton. (Shtëpia e Bardhë, Prizren, ora 11:00)

- Mbahet edicioni i 21-të të panairit ndërkombëtar EXPOKOS, që i dedikohet bizneseve të sektorëve të: Ndërtimit, Energjisë, Makinerisë dhe Sigurisë dhe Mbrojtjes. Merr pjesë zëvendëskryeministri i Kosovës, Besnik Bislimi. (Pallati i Rinisë, ora 11:00)

- Mbahet Kuvendi i pestë i Partisë Eko Lëvizja e Gjelbër e Kosovës. (Hotel Grand, salla e Kuqe, ora 11:00)

- Drejtoria e Mirëqenies Sociale, në kuadër të “Fushatës vetëdijesuese për trajtimin e fëmijëve në situatë rruge” organizon një kampanjë me moton “Unë s’jap lëmoshë, AS TI! & Bashkë t’i mbrojmë fëmijët në situatë rruge” me qëllim të përçimit të mesazhit se dhënia e lëmoshës cenon dhe dëmton jetën e fëmijëve në situatë rruge. (Sheshi “Nënë Tereza”, ora 11:00)

- Punëtorët e Lotarisë së Kosovës protestojnë në shenjë pakënaqësie për mosplotësimin e kërkesave të tyre për Ligjin për Lotarinë e Kosovës dhe pagat për këta punëtorë. (Para ndërtesës së Qeverisë, ora 11:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike mban mbledhje. (Kuvendi i Kosovës, salla N303, ora 14:00)

- Instituti Kombëtar Demokratik organizon debatin e parë mbi politika nën temën “Në mbrojtje të demokracisë: Politikat gjithpërfshirëse të punësimit kanë rëndësi”. (Objekti i komunës së re në Prishtinë, ora 14:00)

- Klubi Futbollistik Drita mban konferencë për medie. (Selia e Federatës së Futbollit të Kosovës, ora 14:00)

- Klubi Futbollistik Llapi mban konferencë për medie. (Selia e Federatës së Futbollit të Kosovës, ora 15:00)

 Fondacioni Lumbardhi hapë sezonin e programeve që kremtojnë 70-vjetorin e kinemasë me promovimin e librit “Lumbardhi: një histori episodike” dhe fillimin e programit të filmit LXX në ekran të madh. (Kino Bahçe në Prizren, ora 19:00)