07 Gusht 2022

Vazhdon shtrirja e rrjetit të kanalizimit në Radulloc, Ranoc-Leskoc dhe Jagodë

Prishtinë, 22 korrik - Në fshatrat Radulloc, Ranoc-Leskoc dhe Jagodë po vazhdon faza e dytë e punimeve për shtrirjen e rrjetit të kanalizimit.

Realizimin e punimeve sot e kanë përcjellur nga afër Kryetari i Komunës, Prof. Dr. Zenun Elezaj, i shoqëruar nga drejtori i Urbanizmit dhe Mbrojtjes së Mjedisit, Lorenc Marleku.

Kryetari Elezaj theksoi se rrjeti i kanalizimit ka qenë një nga problemet më të mëdha me të cilën janë përballur qytetarët e këtyre fshatrave, por pas investimeve që janë realizuar vitin e kaluar dhe vazhdimit të projektit në këtë vit, tashmë po përmbushët një nga kërkesat kryesore dhe më të nevojshme për qytetarët e kësaj ane.

Projektet për shtrirjen e rrjetit të kanalizimit në këto fshatra financohen nga Komuna e Klinës, ndërsa vlera e projekteve janë këto: Në fshatin Radulloc është 27.989 euro, në fshatin Jagodë 32.567 euro, ndërsa projekti për fshatrat Ranoc-Leskoc ka një vlerë buxhetore prej 27.505 euro.

Kalendari

Ngjarjet e datës 8 gusht 2022

 - Universiteti i Biznesit dhe Teknologjisë mban konferencën e Akademikëve të Diasporës. (Parku Shkencor Inovativ i UBT-së në Lipjan, ora 9:00)

- Qendra e Lëvizjes Vetëvendosje! në Prishtinë mban konferencë për media. (Pallati i Drejtësisë, objekti A, ora 11:30)

- Grupi Parlmentar i Lëvizjes Vetëvendosje! mban konferencë për media. (Holli i Kuvendit. ora 14:00)

- Fondacioni Lumbardhi hap ekspozitën " Çka nëse historia do të na përkiste neve?" të kuruar nga Kumjana Novakova. (Shtëpia e Shani Efendiut në Prizren, ora 20:00)

- Dokufest dhe Lumbardhi organizojnë koncertin e Hercules & Love Affair. (Kino Bahçe!, ora 20:00)