24 Shtator 2021

Ujësjellësi ”Prishtina” u kërkon konsumatorëve të paguajn faturat e ujit

Prishtinë, 21 prill - Me qëllim të sqarimit  se, a duhet të paguhen faturat për shpenzimet e ujit dhe kanalizimit, Kompania Rajonale e Ujësjellësit”Prishtina” u bën thirrje publike të gjithë konsumatorëve që sipas mundësive që kanë aktualisht,  të bëjnë shlyerjen e obligimeve mujore.

"Konsumatorë të nderuar, si rrjedhojë e disa deklaratave jo zyrtare nga persona jo kompetent është krijuar një huti se a duhet të paguhen shpenzimet mujore të ujit në këtë gjendje pandemie."

"Deri më tash, Ujësjellësi Rajonal “Prishtina” nuk ka asnjë kërkesë zyrtare nga Qeveria e Republikës së  Kosovës për mos pagesë të shpenzimeve të ujit nga qytetarët."

"Si rrjedhojë, kërkojmë nga ju që të vazhdoni të bëni pagesën e shpenzimit të ujit ngase këto do të i ndihmonin Ujësjellësit Prishtina që të ketë një likuiditet financiar dhe të vazhdojë të punoj për një furnizim të rregullt me ujë të pijshëm për të gjithë konsumatorët në zonën e shërbimit", deklaron Kompania Rajonale e Ujësjellësit”Prishtina”.

KRU ”Prishtina”, ka bërë disa rregullime në sistemin elektronik të pagesave ku secili konsumatorë mund të qaset përmes E-banking dhe të bëjë pagesën e faturës së ujit dhe kanalizimit dhe jemi në konsultim me Ndërmarrjen Publike, Posta e Kosovës, e cila do të ofroj mundësinë që pagesat e ujit të bëhen edhe përmes arkave mobile, të cilat do të vendosen në secilën komunë, për ata konsumatorë  të cilët nuk mund të kenë qasje në sistemin elektronik të pagesave për arsye të ndryshme.

Përfundimisht, Ujësjellësi Rajonal “Prishtina” u bën thirrje publike të gjithë konsumatorëve që sipas mundësive që kanë aktualisht,  të bëjnë shlyerjen e obligimeve mujore që të na mundësojnë një funksionim normal dhe një furnizim të rregullt me ujë të pijshëm.

Kalendari

Ngjarjet e datës 24 Shtator 2021 - Komisioni për Integrim Evropian shqyrton Programin Kombëtar për zbatimin e Marrëveshjes së Stabilizim- Asociimit 2021-2025, i ftuar Besnik Bislimi, zëvendëskryeministër i parë për Integrim Evropian, Zhvillim dhe Dialog. (Ndërtesa e Kuvendit, salla N204, ora 9:00)    

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione rishqyrton planin e punës për sesionin vjeshtor 2021. (Ndërtesa e Kuvendit, salla N302, ora 10:00)

- Kandidatit të PDK-së për komunën e Prizrenit, Shaqir Totaj viziton KF “Liria”  dhe me pas KF “Prizreni” . (Stadiumi i Prizrenit, ora 10:30)

- Kandidati për Kryetar të Prishtinës, Uran Ismaili do të mbaj sot konferencë për media. (Te Deponia Ilegale e mbeturinave, afër Tauk Bahçes, ora 14:00 - mediat i presim në udhëkryqin e Tauk Bahçes, te rruga e Bledit, nga ora 13:40)

- Kandidati për kryetar të Komunës së Malishevës, Ekrem Kastrati, sot mban takim elektorale me strukturat e rinisë së degës së Nismës në Malishevë. (Stadiumi “Liman Gegaj” në Malishevë, ora 14:00)

 - Kandidatit të PDK-së për komunën e Prizrenit, Shaqir Totaj bashkë me Kryetarin e PDK-së, Memli Krasniqi viziton Bashkësinë Islame në Prizren. (Prizren, ora 14:15)

 - Kandidatit të PDK-së për komunën e Prizrenit, Shaqir Totaj shpalos programit për arsim. (Qendra Europa, në Plato, ora 16:00)

- Mbahet dita e dytë e Kongresit të Parë Klinik i Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)