11 Gusht 2022

Ujësjellësi Prishtina fillon procedimin e konsumatorëve borxhlinj te Përmbaruesit

Prishtinë, 7 dhjetor - Kompania Rajonale e Ujësjellësit “Prishtina” ka njoftuar se krahas lehtësimit të kritereve për programimin e borxheve deri në 3 vjet, kërkon nga ju  që të përmbushni obligimin tuaj ndaj pagesës së faturave të rregullta mujore për shpenzimin e ujit.

Për të përmbushur këtë mision me sukses dhe për të ofruar furnizim stabil me ujë të pijshëm dhe cilësor, sigurisht që kërkohet angazhim maksimal dhe ka kosto të lartë në trajtimin e ujit dhe mirëmbajtjen e rrjetit të ujësjellësit në vazhdimësi.

KRU “Prishtina” sh.a.,  do të filloj përfundimisht me procedimin e konsumatorëve borxhlinj në procedurë përmbarimore tek Permbaruesit Privat ( kjo vlen për konsumatorët me borxhe mbi 100 euro). Inicimi i kësaj procedure përmes Përmbaruesve Privat krijon shpenzime shtesë për ju dhe do të vështirësonte përmbushjen e obligmit tuaj duke paguar taksën shtesë.

Janë përgatitur 250 lëndë që të dërgohen në këtë javë te Përmbaruesit Privat, (kryesisht lëndë me borxhe  të larta) ndërsa edhe 250 lëndë të tjera javën tjetër.

 

Kalendari

Ngjarjet e datës 11 gusht 2022

- Handikos organizon ceremoninë e shpërndarjes së 70 karrocave për personat me aftësi të kufizuara, donacion nga Izraeli, ku do të marrin pjesë ambasadorja e Izraelit, znj. Tammy Ziv, ministrja e Ministrisë për Punë të Jashtme dhe Diasporë,  znj. Donika Gërvalla dhe ministri i Administrimit të Pushtetit Lokal, Elbert Krasniqi. (Qendra e Resurseve për Personat me Aftësi të Kufizuara Adresa: Veternik, ora 10:00)

- Grupi i asamblistëve të Lëvizjes Vetëvendosje në Komunën e Prishtinës mban konferencë për media. (Selia qendrore e Vetëvendosjes, ora 11:00)

- Në qytetin e Vushtrrisë organizohet Akademia Verore "Arbën Xhaferi‘’ edicioni i II-të. (Kalaja e Vjetër të Vushtrrisë, ora 17:00)