02 Shkurt 2023

Toyota ndërpret prodhimin e makinave në Francë

Paris, 21 gusht - Prodhuesi japonez i veturave Toyota do të ndalojë për dy javë prodhimin në fabrikat e saj në qytetin Onnaing të Francës, pas problemit në furnizimin e disa produkteve për shkak të koronavirusit.

Në deklaratën e zëdhënësit të “Toyota” në Francë, thuhet se prodhimi, i cili ishte planifikuar të fillonte më 23 gusht në fabrikën në Onnaing, është shtyrë deri më 6 shtator për shkak të problemit në furnizimin e disa produkteve si pasojë e pandemisë së Covid-19.

Nga 5.000, që është numri total i personelit që punon në fabrikën ku prodhohet modeli “Toyota Yaris”, 4.500 prej tyre do të duhet të bëjnë një pushim të përkohshëm gjatë këtij procesi dhe se personeli në fjalë do të marrë 84% të pagave gjatë kësaj periudhe, thuhet në vijim të deklaratës.

Në një deklaratë të hershme “Toyota” kishte njoftuar se prodhimi do të ndalohej përkohësisht në 27 linja prodhimi në 14 fabrika për shkak të problemit të furnizimit me çipa në Japoni.  

Në deklaratë ishte thënë gjithashtu se kjo do të shkaktonte një rënie prej 40% të normës mujore të prodhimit të shpallur më parë.

Kalendari

Ngjarjet e datës 2 shkurt 2023

- Komisioni për Shëndetësi dhe Mirëqenie Sociale shqyrton draft-planin e punës për sesionin pranveror 2023. (Ndërtesa e Kuvendit, N303, ora 9:00)

Paneli i Gjykatës së Apelit bën shpalljen e aktgjykimit të apelit në çështjen Hysni Gucati dhe Nasim Haradinaj. (Hagë, ora 9:30)  

- Këshilli Gjyqësor i Kosovës (KGjK) mban mbledhjen e radhës. (Ndërtesa e KGjK-së, ora 10:00)  

- Kuvendi i Kosovës mban seancë plenare. (Kuvendi i Kosovës, ora 10:00)  

- Komisioni Qendror i Zgjedhjeve shënon Ditën Globale të Zgjedhjeve me temën “Pjesëmarrja në zgjedhje në Republikën e Kosovës dhe roli i institucioneve”. (Hotel Sirius, ora 10:00)  

-Ministri i Shëndetësisë, Arben Vitia, viziton Komunën e Ferizajt ku do të takohet me kryetarin Agim Aliu. (Ferizj, ora 10:30)

- Zëvendëskryeministrja e Republikës së Kosovës, Emilija Redžepi organizon tryezë të rrumbullakët me rastin e regjistrimit të ardhshëm të popullsisë së Kosovës. (Ndërtesa e Qeverisë, salla P38, ora 14:00)