03 Dhjetor 2022

Toyota mbyll fabrikën në Rusi

Moskë, 24 shtator - Kompania japoneze e automobilave Toyota ka mbyllur fabrikën në Rusi.

Ministria e Industrisë dhe Tregtisë e Rusisë konfirmoi se fabrika e Toyota-s në Shën Petersburg është mbyllur.

Në njoftim thuhet se kompania do të vazhdojë të përmbushë detyrimet e saj ndaj punëtorëve të fabrikës, si dhe të vazhdojë mbështetjen pas shitjes për automjetet e saj në Rusi.

Kompania japoneze ka nisur një analizë tregu mbi bazën e së cilës do të marrë një vendim për të ardhmen e biznesit në Rusi.

Gazeta ruse “Kommersant” raporton se Toyota nuk u tërhoq nga tregu rus, por se vendosi të mbyllte fabrikën sepse ka vështirësi në marrjen e pjesëve të nevojshme për prodhim.

Kalendari

Ngjarjet e datës 3 dhjetor 2022

- Komuna e Prishtinës do të bëjë testimin e radhës të Sistemit të Alarmit Publik me tinguj të njëtrajtshëm dy herë nga 30 sekonda. (Prishitnë, ora 12:05)

- Ndihmës administratorja e Agjencisë së Shteteve të Bashkuara për Zhvillim Ndërkombëtar për Europë dhe Euroazi, Ambasadorja Erin E. McKee, do të vizitojë Kosovën ku do të takohet me akterë të ndryshëm duke përfshirë përfaqësues të Qeverisë, shoqërisë civile, sektorit privat, bartës të rinj të ndryshimeve etj. (Lokalet e Royal Beverages, Velekincë, Komuna e Gjilanit, ora 13:30)

- Ministrja e Drejtësisë, Albulena Haxhiu e shoqëruar nga kryetari i Komunës së Podujevës Shpejtim Bulliqi, do të mbajë tubim me vajza e gra. (Teatrin e Qytetit "Avdush Hasani", ora 14:00)

- Ministrja e Drejtësisë, Albulena Haxhiu e shoqëruar nga kryetari i Komunës së Podujevës Shpejtim Bulliqi do të vizitojë Qendrën e Handikos-it në Podujevë. (Objekti i Qendrës në Podujevë, ora 15:30)

- Në kuadër të Festivalit Ndërkombëtar të Filmit do të shfaqen filma vendor dhe të huaj, ku do të ketë diskutime me me autorët pjesmarrës! (Kino Armata, ora 17:00)
 
- Mbahet ceremonia e mbylljes së Festivalit Ndërkombëtar të Filmit më ç'rast do të behët edhe ndarja e çmimeve. (Kino Armata, ora 19:00 )