08 Shkurt 2023

Shteti duhet të lehtësoj barrën e mirëmbajtjes së ndërtesave tradicionale

Prizren, 15 janar - Ndërtesa e vjetër në rrugën “Bujar Isaja” është rrënuar ditë më parë, pas vlerësimit të organeve përkatëse të Komunës së Prizrenit si dhe autoriteteve të trashëgimisë kulturore. Këta të fundit, sipas raportimeve të mediave lokale kanë konstatuar se ndërtesa nuk ka qenë në zonën e Qendrës Historike e as pjesë e listës së monumenteve të mbrojtura, dhe se ka qenë në gjendje të rëndë, derisa organet komunale kanë evidentuar rrezikun e shembjes.

EC Ma Ndryshe përsërit qëndrimin e shprehur edhe më parë se siguria e qytetarëve është prioritet. Në këtë rast, duke marrë për bazë vlerësimet e bëra, janë ndërmarrë masa për evitimin e rrezikut për qytetarët.

Duke marrë shkas nga ky rast, EC edhe njëherë rikujton se ruajtja e ndërtesave të vjetra, përkatësisht shtëpive tradicionale është barrë e rëndë për pronarët e tyre.

Ndërtesat e vjetra tradicionale kanë nevojë për mirëmbajtje e meremetim të vazhdueshëm dhe pronarët e tyre në shumicën e rasteve nuk po kanë kapacitet financiar për ti mbuluar këto shpenzime.

EC apelon sërish tek institucionet përgjegjëse që ti përkrahin pronarët që posedojnë ndërtesa me vlerë përmes programeve të veçanta të investimit për restaurime e rehabilitime.

Organet shtetërore në bashkëpunim me komunitetin duhet të ndërmarrin veprime adekuate me kohë që shtëpitë tradicionale dhe ndërtesat tjera të trashëgimisë kulturore mos të degradojnë deri në masën sa të paraqesin rrezik.

Prandaj organet përkatëse shtetërore duhet që sa më parë të themelojnë fond për mbrojtje, restaurim dhe rehabilitim të ndërtesave me vlerë të trashëgimisë kulturore.
 

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)