03 Shkurt 2023

Shpërthim në një minierë qymyri në Poloni, mbesin 4 të vdekur

Varrshavë, 20 prill - Shpërthimi i metanit në një minierë qymyri në jug të Polonisë sot shkaktoi vdekjen e 4 personave dhe plagosi 19 të tjerë, sipas autoriteteve. Shtatë minatorë të tjerë llogariten si të zhdukur.

Shpërthimi ndodhi në orën 12:15 sipas kohës lokale rreth 1.000 metra nën sipërfaqe në minierën Pniowek në Pavlovice që operohet nga kompania minerare Jastrzebska Spolka Weglowa ose JSW.

Operacionet e menjëhershme të shpëtimit nga 13 njësi të shpëtimtarëve u pezulluan për shkak të një zjarri, thanë zyrtarët e JSW.

Kontakti me shtatë nga shpëtimtarët është humbur gjatë operacionit, thanë autoritetet e minierës.

Mjekët në spitalin Siemianowice Slaskie, i specializuar në trajtimin e djegieve, thonë se gjendja e disa prej të plagosurve është kritike.

 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)