08 Shkurt 2023

Shell shënoi rënie të fitimeve me 71 për qind

Amsterdam, 4 shkurt - Kompania mbretërore holandeze "Shell" ka njoftuar se ka shënuar rënie të fitimeve me 71 për qind nga viti në vit në 4.8 miliardë dollarë në vitin 2020.

Fitimet e kompanisë në tremujorin e katërt shënuan rënie me 87 për qind nga një vit më parë për shkak të konsumit të dobët të energjisë për shkak të pandemisë.

Kompania gjithashtu nënvizoi se çmimet e gazit të lëngshëm natyror (LNG) ishin dukshëm më të ulëta në tremujorin e katërt të vitit 2020.

"2020 ishte një vit i jashtëzakonshëm. Ne ndërmorëm veprime të vështira por vendimtare dhe kemi demonstruar shpërndarje operative mjaft elastike duke u kujdesur për njerëzit, klientët dhe komunitetet tona", deklaroi Ben van Beurden, drejtor i përgjithshëm i "Shell"-it.

"Ne do të dalim nga 2020 me një bilanc më të fortë, të gatshëm për të përshpejtuar strategjinë tonë dhe të krijojmë të ardhmen e energjisë. Jemi të përkushtuar në politikën tonë progresive të dividentit dhe presim që të rrisim dividentin tonë të dollarit amerikan për aksion me rreth 4 për qind nga tremujori i parë i vitit 2021", tha Beurden.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)