09 Dhjetor 2022

Shefi i BP kërkon falje për rrjedhjen shkatërrimtare të naftës

SHBA, 18 qershor - Shefi ekzekutiv i kompanisë British Petroleum, Tony Hayward u përball dje me kritika të ashpra nga anëtarë të një komisioni të Kongresit amerikan, të cilët thanë se korporata e tij ka një të kaluar të karakterizuar nga ndërmarrja e hapave të rrezikshëm, shkurtimi i kostos dhe vënia e përfitimeve përpara sigurisë, hapa këto që ka mundësi të kenë kontribuar në shpërthimin e platformës së shpimit të naftës, pronë e kompanisë Deepwater Horizon, në Gjirin e Meksikës.

Hayward shprehu keqardhje të thellë për këtë katastrofë, por ai tha se është tepër herët të arrihet në përfundime rreth shkaqeve të shpërthimit të 20 prillit.

Zyrtari i lartë i BP-së Tony Hayward tha se ishte dërmuar personalisht, siç u shpreh ai, kur mësoi rreth vdekjes së 11 personave nga shpërthimi në platformën e kompanisë së shpimit të naftës  Deepwater Horizon në Gjirin e Meksikës, e marrë me qira nga kompania e tij.

\"Jam mëse i vetëdijshëm rreth seriozitetit të situatës. Kjo është një tragjedi. Dua t’i flas direkt popullit, që jeton dhe punon në rajonin e Gjirit të Meksikës. E di fare mirë që ky incident ka pasur një ndikim të madh në jetën tuaj dhe ka shkaktuar probleme shumë të mëdha dhe për këtë më vjen shumë keq. Gjithashtu më vjen shumë kq për ndikimin që ka pasur rrjedhja e naftës tek mjedisi\".

Disa ligjvënës amerikanë sugjeruan që zoti Hayward duhet të japë dorëheqjen, por jo të gjithë ligjvënësit i çuan në atë ekstrem kritikat e tyre. Anëtari demokrat i Dhomës së Përfaqësuesve, John Dingell nga shteti i Michiganit vuri në dukje se zoti Hayward kishte pasur një rritje rroge prej 41 për qind vitin e kaluar, ndërkohë që përfitimet e kompanisë British Petroleum pësuan rënie, madje ai ngriti pyetjen se çfarë lloj ngritje rroge do të merrte zoti Hayward këtë vit pas katastrofës së naftës në Gjirin e Meksikës.

Ligjvënësi tjetër demokrat nga shteti Ajova, Bruce Braley theksoi se fjala rrjedhje e naftës as që i afrohet përshkrimit të derdhjes së naftës nga pusi 1.5 kilometra nën sipërfaqen e oqeanit. Një numër ligjvënësish kritikuan ashpër kompaninë BP për atë që ata e cilësuan si të kaluar të errët të sigurisë për vite me rradhë.

Ligjvënësi demokrat Bart Stupak tha se gjatë 5 vjetëve të fundit, 26 njerëz kanë humbur jetën dhe 700 të tjerë janë plagosur në aksidente të kompanisë BP, përfshirë rrjedhjen e tanishme të naftës në Gjirin e Meksikës, derdhjen e naftës nga një tubacion në Alaska dhe shpërthimi në një rafineri në Teksas. Ligjvënësi tjetër demokrat, Mike Ross nga shteti Arkansa përmblodhi me pak fjalë pikpamjen e shumë ligjvënësve se katastrofa e tanishme është pjesë e një paterne.

\"Së fundmi janë bërë të njohura shumë njoftime se në ditët dhe javët para shpërthimit, BP e vetëdijshme mori një numër vendimesh, që shtuan rrezikun e shpërthimit dhe të rrjedhjes së naftës. Me sa duket BP vuri përfitimet para sigurisë. Shumë njerëz humbën jetën, miliona litra naftë vazhdojnë të përhapen në Gjirin e Meksikës\".

Shefi ekzekutiv i BP-së Tony Hayward tha se përparësia kryesore e kompanisë së tij është ndalimi i rrjedhjes së naftës në Gjirin e Meksikës.

\"Së pari ne po bëjmë të gjitha përpjekjet për të mbyllur pusin e çarë dhe si rezultat të ndalojmë përhapjen e naftës në oqean. Tani ne po shpojmë në dy puse të tjera, që besojmë se do të na japin zgjidhjen përfundimtare. Ne presim që ky operacion të përfundojë në muajin gusht\".

Zoti Hayward nuk pranoi t’u përgjigjej pyetjeve rreth dizenjos së pusit dhe nëse BP kishte vënë re shenja paralajmërimi përpara shpërthimit se pusi kishte shumë probleme.

Kalendari

Ngjarjet e datës 9 dhjetor 2022 - Kryeministri i Republikës së Kosovës, Albin Kurti, presidentja Vjosa Osmani-Sadriu dhe kryetari i Kuvendit, Glauk Konjufca, marrin pjesë në dëgjimin publik për Projektligjin për Liritë Fetare. (Ndërtesa e Qeverisë, ora 9:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Raportit për Projektligjin Agjencinë Kosovare për Krahasim dhe Verifikim të Pronës, Projektligjin për Bujqësi dhe Zhvillim Rural, etj. (Ndërtesa e Kuvendit, salla N302, ora 9:30)

- Komisioni për të Drejtat dhe Interesat e Komuniteteve dhe Kthim shqyrton Projektligjin për parandalimin dhe kontrollin e integruar të ndotjes, me raport amendamente të Komisionit funksional për Mjedis, Ushqim, Bujqësi, Planifikim dhe Zhvillim, etj. (Ndërtesa e Kuvendit, salla N10, ora 9:45)

- Instituti i Kosovës për Drejtësi organizon konferencë për media, ku do të publikohet raporti me titull “Qeverisja me duar të pastërta”, raport ky mbi deputetët, ministrat dhe kryetarët e komunave, të cilët kanë probleme me ligjin. (Hotel Sirius, ora 10:00)

- Gjykata Kushtetuese organizon “Ditën e Gjykatës së Hapur” në shënim e Ditës Ndërkombëtare të të Drejtave të Njeriut. (Gjykata Kushtetuese, ora 10:00)

- Për të shënuar 9 dhjetorin, Ditën Ndërkombëtare kundër Korrupsionit, Koalicioni i Organizatave të Shoqërisë Civile dhe Mediave, do të mbajnë një konferencë me temën “Fuqizimi i Kapaciteteve të Shoqërisë Civile për luftimin e korrupsionit”. (Hotel Sirius, ora 10:00)

- Kuvendi i Republikës së Kosovës vazhdon seancën plenare. (Kuvendi i Kosovës, ora 10:00)

- Ministrja e Drejtësisë, Albulena Haxhiu bashkëbisedon me studentët e Kolegjit AAB për temën mbi dhunën në bazë gjinore. (Kolegji AAB, ora 10:30)

- Rreth 60 punëtor teknik dhe ata te sigurimit fizik qe punojnë në Qendrat e Mjekësisë Familjare disa shkolla te Prishtinës  do te protestojnë me kërkesën për rritje të pagave. (Para komunës se Prishtinës, ora 11:00)

- Këshilli Rinor Kosovar organizon Kuvendin Zgjedhor të Këshillit të Nxënësve të Kosovës në nivel vendi. (Amfiteatri i Ministrisë së Drejtësisë, ora 13:00)

- Instituti i Kosovës për Drejtësi organizon aktivitet me studentët e Klinikës Ligjore të IKD– së, ku do të bëhet prezantimi i shpalljes së simuluar të një aktgjykimi të një rasti të korrupsionit. (Sheshi Skënderbeu në Prishtinë, ora 13:30)

- Lidhja Demokratike e Kosovës mban konferencë për medie. (Selia qendrore e LDK-së, ora 13:30)

- Ministrja e Drejtësisë, Albulena Haxhiu merr pjesë në një tryezë me gratë në Komunën e Mitrovicës. (Restaurantin "Va Piano", ora 15:00)

- Me rastin e 5 vjetorit të ndarjes nga jeta të artistit, Blerim Peci, Komuna e Mitrovicës, në bashkëpunim me artistë, familjarë e miq të ish të ndjerit organizojnë takimin përkujtimor për të ndarë së bashku kujtime të bukura e të pashlyeshme për të. (Qendra e Kulturës "Rexhep Mitrovica", ora 17:00)

- Ministrja e Drejtësisë, Albulena Haxhiu merr pjesë në shfaqjen e filmit "Zgjoi". (Kino Armata, ora 17:00)