08 Shkurt 2023

Rriten rezervat e naftës së papërpunuar në SHBA

Washington, 25 shkurt - Rezervat komerciale të naftës së papërpunuar të SHBA-së u rritën me 1.3 milionë fuçi javën e kaluar krahasuar me javën para saj.

Administrata e Informacionit të Energjisë Amerikane (EIA) njoftoi se rezervat komerciale të naftës së papërpunuar në vend u rritën me 1.3 milionë fuçi (0.3 për qind) javën e kaluar në rreth 463 milionë fuçi.

Pritja e tregut ishte se rezervat do të ulen me afërsisht 5.3 milionë fuçi.

Rezervat strategjike të naftës së papërpunuar, të cilat nuk përfshihen në rezervat komerciale të naftës së papërpunuar, mbetën të pandryshuara në nivelin 637 milionë e 800 mijë fuçi.

Gjatë periudhës në fjalë, rezervat e benzinës në SHBA ruajtën nivelin e saj të javës së kaluar dhe u regjistruan si 257 milionë e 100 mijë fuçi.

Ulet prodhimi i naftës

Importet e naftës së papërpunuar të SHBA-së u ulën me 1 milion e 299 mijë fuçi në ditë krahasuar me javën e kaluar dhe eksportet e naftës u ulën me 1 milion e 548 mijë fuçi në ditë në 2 milion e 314 mijë fuçi.

Prodhimi ditor i naftës së papërpunuar të vendit u ul me 1 milion e 117 mijë fuçi në javën e 13-19 shkurtit, duke arritur afërsisht 10 milionë e 181 mijë fuçi.

Sipas Raportit Afatshkurtër të Energjisë të shkurtit 2021 të EIA-së, prodhimi mesatar ditor i naftës së papërpunuar të SHBA-së pritet të jetë 11 milionë fuçi këtë vit dhe 11 milionë e 530 mijë fuçi vitin e ardhshëm.

 

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)